BE reagon pas sulmit ndaj gazetarit: Thëllësisht të shqetësuar nga dhunimi i Duriqit

Zyra e Bashkimit Evropian në Kosovë ka reaguar pas sulmit fizik ndaj gazetarit Visar Duriqi.  Zyra e BE ka shkruar se presin që autoritetet të sjellin para drejtësisë dhunuesit. 

“Thellësisht të shqetësuar nga sulmi ndaj gazetarit investigativ Visar Duriqi. Gazetarët duhet të kenë mundësinë për të punuar në një ambient të lirë dhe të sigurt. Bëjmë apel tek autoritetet që të hetojnë shpejt incidentin dhe të sjellin sulmuesit para drejtësisë”, thuhet në reagimin e BE’së.

Pas trajtimit mjekësor, gazetari Visar Duriqi, ka dhënë deklaratë në Policinë e Kosovës në Prishtinë. Duriqi ka thënë për media se rrahja ka zgjatur rreth një minutë e gjysmë, ndërsa sulmi ka nisur nga një person fillimisht, më pas janë përfshirë edhe dy të tjerë. Ai tha se i ka katër dhëmb të thyer, nofullën dhe hundën të dëmtuar, si dhe lëndime të tjera.

Gazetari pohon se kërcënime ka pasur që nga viti 2014-të, teksa thekson se sulmi mund të ketë ardhur për shkak të punës së tij në dokumentarin hulumtues që e transmeton në TV dhe media online.

 


Lajmi kryesor:

Kosovë, sulmohet fizikisht gazetari investigativ Visar Duriqi, reagime të shumta në vend


S.M./Shqiptarja.com
  • Sondazhi i ditës:

    Ngjarja e Kavajës, sipas jush si do të jenë ditët e fundit të fushatës elektorale?



×

Lajmi i fundit

John

Mjeshtri i instrumenteve frymore në Lezhë Gjovalin Ndreca u bie 7 veglave, e nisi karrierën 12 vjeç: Kam marrë 57 dekorata