“Nuk do të pranojmë kurrë të flitet për një Evropë me disa shpejtësi", ka deklaruar kryeministrja polake Beata Szydlo, gjatë një konference për shtyp në përfundim të një samiti jozyrtar në Bruksel.
"BE-ja duhet të ketë kapacitet për t’u reformuar. Përveç unitetit politik, ajo ka gjithashtu nevojë për një unitet institucional. Ne nuk do të pranojmë asnjë nismë që vë në pikëpyetje integritetin e tregut të përbashkët, të zonës Schengen dhe të BE-së gjithashtu”, ka shtuar ajo.
Ndërkohë Szydlo është duke u përballur me probleme për sa i përket qeverisë që ajo drejton në Poloni, ku opozita ka kërkuar një votëbesim në parlament.
Redaksia Online
D.T/Shqiptarja.com