Bebe Rexha: Jam bipolare, shpresoj të më pranoni!

Këngëtarja Bebe Rexha ka ndarë me të gjithë fansat një informacion shumë personal, ajo ka treguar se është bipolare.

29-vjeçarja bëri publik informacionin me një postim në Twitter.

"Për një kohë të gjatë nuk e kuptova pse u ndjeva kaq e sëmurë.

Pse ndjeva rënie që më bënë të mos dua të largohem nga shtëpia ime ose të jem rreth njerëzve dhe pse ndjeva nivel të lartë që nuk më linte të flija, nuk më linte të ndaloja të punoja ose të krijoja muzikë.

Tani e di pse. Unë jam bipolare dhe nuk kam turp më. Kjo është e gjitha", ka thënë Bebe.

Instituti Kombëtar i Shëndetit Mendor e përcakton çrregullimin bipolar si një çrregullim në tru që shkakton ndërrime të pazakonta të gjendjes shpirtërore, energjinë, aktivitetin dhe aftësinë për të kryer detyra ditore.

“Ky album i radhës do të jetë albumi më i preferuar ndonjëherë sepse nuk po mbaj asgjë në vete.

Unë ju dua shumë të gjithëve.

Dhe shpresoj të më pranoni ashtu siç jam", ka thënë ajo.

Ajo gjithashtu shtoi se nuk donte që njerëzit të ndjeheshin keq për të.

Bebe Rexha

/Shqiptarja.com

TAG:
• bebe rexha
• semundje
• bipolar