Ndryshimet te ligji për komisionet hetimore, Basha: Makinacione të Ramës për t’i pamundësuar opozitës transparencën, tregojnë frikën e tij

Kreu i PD Lulzim Basha i ka cilësuar si makinacione të Kryeministrit Edi Rama, për të mos lejuar transparencën, dekretimin e ndryshimeve në ligjin për Kmisionet Hetimore Parlamentare. 

Në një reagim në rrjetet sociale kreu i PD, Basha, shkruan se Rama kërkon t’i pamundësoi opozitës transparencë.

"Ai që nuk ka asgjë për të fshehur nuk i trembet transparencës.  Makinacionet e Edi Ramës për ti pamundësuar opozitës transparencën e aferave korruptive përmes komisioneve hetimore tregojnë frikën e tij nga e vërteta. Por transparenca për aferat korruptive ku është zhytur sot qeveria, që po varfëron dhe detyron shqiptarët të largohen do të bëhet me patjetër.   Sot gjysma e qeverisë është në dyert e drejtësisë e prapa hekurave, dhe të gjithë ata që kanë abuzuar, së shpejti do të japin llogari për aferat e tyre korruptive. Kohës së pandëshkueshmërisë po i vjen fundi, kartonat e Edi Ramës nuk e ndalin dot", shkruan Basha.

LEXO EDHE:
Presidenti Begaj në Firmo: Diversiteti kulturor, burim pasurimi dhe harmonie

Lajmi në përditësim

Lajmi kryesor:

Begaj dekretoi ligjin për Komisionet Hetimore, Rama: Ka mbaruar koha kur Presidenti përdorte Kushtetutën si koktej molotov për revolucionet imagjinare të opozitës

B.K/Shqiptarja.com

TAG:
• Bajram Begaj
• edi rama
• Rithemelimi kaos ne kuvend