POP 5

Lajmet më të lexuara të 5 minutave të fundit

Politikë

Begaj në Kosovë, viziton familjen e Ibrahim Rugovës: Mbetet shembull frymëzimi! Takon dhe akademikun Rexhep Qosja

Përgjatë vizitës në Kosovë,  kreu i shtetit Bajram Begaj u ndal në familjen e presidentit të ndjerë të Kosovës, Ibrahim Rugova. Duke e konsideruar si shembullin e frymëzimit për të gjithë shqiptarët, Begaj tha se Rugova ishte vizioni i burrit të rezistencës humane.

Vizitën në Kosovë, Presidenti Bajram Begaj e ndali në familjen e Ibrahim Rugovës në Istog të Pejës.

Pë kreun e shtetit, figura emblematike e presidentit të ndjerë të Kosovës, është shembulli i frymëzimit për të gjithë shqiptarët, teksa e kujtoi atë si një lider vizionar.

"Çdo shqiptar duhet të vijë këtu, pasi për të gjithë ne Rugova është dhe do të mbetet President, lider vizionar, udhërrëfyes dhe një shembull frymëzimi për të gjithë shqiptarët.  Kombi shqiptar nuk do të ishte këtu ku ndodhet pa kontributin e jashtëzakonshëm të Ibrahim Rugovës. Ëndrra e kahmotshme e krejt shqiptarëve u realizua” tha Begaj.

Gjatë qëndrimit në Prishtinë, Presidenti Begaj, zhvilloi një vizitë edhe në shtëpinë e akademikut Rexhep Qosja, të cilin e vlerësoi për krijimtarinë  e tij shkencore, letrare, artikujt kritikë me vlerë, si dhe veprimtarinë intelektuale.

Begaj ishte në Kosovë me ftesë të Presidentes Vjosa Osmani, për të marrë pjesë në Forumin “Gruaja, Paqja dhe Siguria” ndërsa krahas takimit kokë më kokë me Osmanin, takime pati edhe me Kryeministrin e Maqedonisë së Veriut, Talat Xhaferi.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

New York Times: Votoni kundër Trump, ai është një rrezik për demokracinë

New York Times: Votoni kundër Trump, ai është një rrezik për demokracinë

2 Nëntor, 20:15