Nga Azerbajxhani ku ndodhet për një vizitë zyrtare, kreu i shtetit Bajram Begaj bëri sërish thirrje për rikthim në shinat e dialogut mes Kosovës e Serbisë.
Begaj shprehu shqetësimin se klima konfliktuale nuk ndihmon në stabilitetin rajonal.
“Në Rajonin e Ballkanit Perëndimor, dialogu është shumë i rëndësishëm, që ta shohim njëri tjetrin jo përmes mërive të së djeshmes, por mendësive të së ardhmes. Respektimi i marrëdhënieve të dakordësuara nga palët si mes tyre dhe në forumet ndërkombëtare duhet të jetë pikë orientimi drejt paqes së qëndrueshme. Prosperiteti dhe jo konflikti duhet të jenë busulla e orientimit të mbarëvajtjes bilaterale dhe rajonale. Sa më shpejt të ndodhë diçka e tillë, aq më dobiprurëse do të jetë për popujt tanë”- tha Begaj.
Me homologun azer, siç sqaruan vetë Presidentët në deklaratën për shtyp biseduan veçanërisht për bashkëpunimin ekonomik në projektin e gazsjellësit, për të cilin premtojnë investime të mëdha.
“TAP është tashmë një histori e konsoliduar suksesi. Përfitimet e Shqipërisë nga TAP kanë qenë të shumta si në aspektin ekonomik ashtu edhe në peshën strategjike të Shqipërisë. Ndërsa gazsjellësi adriatiko-jonian do të kotribuojë ende edhe më tej në rolin e Shqipërisë si shpërndarëse e gazit në rajon.”- u shpreh Begaj.
“Volumet e tregtimit të gazit po rriten dhe prodhimi i gazit gjithashtu. Projekti i gazifikimit të Shqipërisë, është përzgjedhur një projekt-pilot dhe në fund të vitit do të kemi një studim, dhe shpresojmë që më pas të kemi ndërtimin e rrjetit të gazit”.- tha Ilham Aliyev President i Azerbajxhanit.
Vizita e Begajt në Azerbajxhan vjen vetëm pak muaj pasi homologu i tij, Ilham Aliyev zhvilloi për herë të parë një vizitë zyrtare në Shqipëri, gjatë së cilës po ashtu shprehu gatishmërinë për të ndihmuar Shqipërinë në përmirësimin e infrastrukturës së gazit.
Pika të tjera të trajtuara gjatë takimeve ishin edhe mbështetja e Shqipërisë për paqen afatgjatë në rajonin e Kaukazit Jugor, të ndërmjetësuar nga partnerët e besueshëm dhe organizatat ndërkombëtare. Kreu i Shtetit i rishprehu Presidentit Aliyev se Shqipëria gjithnjë ka mbështetur integritetin territorial të Azerbajxhanit dhe zbatimin e rezolutave të Këshillit të Sigurimit.
Dy presidentët u ndalën edhe te lufta në Ukrainë, ku ndanë një tjetër herë mbështetjen për integritetin territorial të Ukrainës. Këtë vit, shënohen 30 vjet nga vendosja e marrëdhënieve diplomatike mes Shqipërisë dhe Azerbajxhanit. Për Kreun e Shtetit, sot marrëdhëniet mes dy vendeve janë më të mira se kurrë ndonjëherë.
Presidenti Bajram Begaj nga Azerbajxhani ka folur ehde një lidhje me situatën në veri të Kosovës. Begaj tha se dialogu është shumë i rëndësishëm e që vendet ta shohin njëri tjetërin jo përmes mërive të së djeshmes, por sipas mendësive të se ardhmes.
Sipas Begajt, stabiliteti rajonal është shumë i rëndësishëm e se Kosova dhe Serbia janë palë dialoguese për zgjidhjen e çdo mos-marrëveshje dhe të ndërtimit të një fryme të re bashkëpunimi mes njëri tjetrit.
‘Edhe në Rajonin e Ballkanit Perëndimor, dialogu është shumë i rëndësishëm, që ta shohim njëri tjetrin jo përmes mërive të së djeshmes, por mendësive të së ardhmes. Stabiliteti rajonal është shumë I rëndësishëm, Kosova dhe Serbia janë palë dialoguese për zgjidhjen e çdo mos-marrëveshje dhe të ndërtimit të një fryme të re bashkëpunimi mes njëri tjetrit. Respektimi i marrëdhënieve të dakordësuara nga palët si mes tyre dhe në forumet ndërkombëtare duhet të jetë pikë orientimi drejt paqes së qëndrueshme. Prosperiteti dhe jo konflikti duhet të jenë busulla e orientimit të mbarëvajtjes bilaterale dhe rajonale. Sa më shpejt të ndodhë diçka e tillë, aq më dobiprurëse do të jetë për popujt tanë.’- tha Begaj.
Presidenti Bajram Begaj ka ndarë një mesazh nga Azerbajxhani për marrëdhëniet mes dy vendeve. Ai u shpreh se marrëdhënia mes dy vendeve është edhe më e fortë sidomos në kuadrin energjitik.
“Këtë vit shënohen 30 vjet nga marrëdhënia diplomatike e vendeve tona. Kemi mjaft arsye për të qenë krenar, të cilat janë më mirë se kurrë më parë. Vjet Aliyev vizitoi Tiranën dhe më vjen mirë që impakti i asaj vizitë impaktoi menjëherë. Kemi plot arsye për hapat e mëtejshme, dialog të suksesshëm. Risolla në vëmendjen e tij disa nga hapat e suksesshme për afrimin mes dy vendeve. Shqipëria hd Azerbajxhani janë të lidhura ngushtësisht në kuadrin energjetik. Përftimet e Shqipërisë nga TAP kanë qenë të shumta. Gazsjellësi adriatiko-jonian do të kontribuoje edhe më tej në rajon. Shqipëria është vend transit i gazit dhe ky është realitet tashmë.”- thotë Begaj.
Komente
Lajme të tjera
-
Spiropali takohet me Begajn: Bashkëpunimi mes institucioneve thelbësor për integrimin e vendit
25 Prill, 14:23 -
Rusia fillon tërheqjen e trupave nga Nagorno-Karabaku
23 Prill, 16:27 -
Begaj me përfaqësuesit e vendeve të NATO: Shqipëria, promovuese e paqes dhe sigurisë në Rajon
22 Prill, 13:14 -
Sot 22 prilli, dita Botërore e Tokës! Begaj: Kundër plastikës, për një të ardhme më të pastër
22 Prill, 09:35 -
Presidenti Begaj vizitë në Urdhrin Sovran të Maltës, takohet me Fra' John Dunlap
19 Prill, 15:03 -
Begaj vizitë zyrtare në Urdhrin Sovran të Maltës
18 Prill, 16:09 -
Presidenti Begaj pret zyrtaren e DASH: Shqipëria, mbrojtëse dhe promovuese e të drejtave të njeriut në OKB
18 Prill, 12:01 -
Begaj pret delegacionin e Asamblesë Parlamentare të NATO-s: Shqipëria do të vijojë të luajë rolin e saj si faktor paqeje
17 Prill, 21:31 -
Begaj në Kosovë, viziton familjen e Ibrahim Rugovës: Mbetet shembull frymëzimi! Takon dhe akademikun Rexhep Qosja
16 Prill, 14:13 -
Begaj: Shqipëria e ka për detyrë të jetë avokate e mirë e Kosovës
15 Prill, 17:49 -
Akuza për 'spastrim etnik'/ Armenia dhe Azerbajxhani përballen në GJND
15 Prill, 10:02 -
Mbahet Forumi për Gratë, Paqen dhe Sigurinë, 1 mijë pjesëmarrës nga 40 shtete të botës! I pranishëm edhe Begaj
15 Prill, 07:58
Po ky kapteri minister i energjitikes esbte..!!
PërgjigjuKemi 30 vjet maredhenie por nuk shikoj ndonje ndryshim ne cmimet e energjise ato vetem rriten perdite keshtu qe nuk na hyn ne pune kjo miqesi
Përgjigju