BE-ja hidhet në veprim kundër ‘fake news’ në kohë pandemie

Bashkimi Europian ka vendosur të hidhet në kundërveprim kundër lajmeve të rreme. Një komision i posaçëm pranë Parlamentit Europian do të zbulojë dhe luftojë ndikimin e huaj kibernetik.

Blloku beson se sidomos tani në kohën e emergjencës shëndetësore janë shtuar fushatat dezinformuese.

Në pranverë Brukseli ngriti alarmin duke thënë se Europa ishte;e përmbytur’ nga lajmet e rreme, të cilat sipas zv/presidentes së Komisionit Europian, Vera Jourova nuk janë të rrezikshme vetëm për arsye shëndetësore, por edhe synojnë hapur gërryerjen e besimit tek qeveritë dhe mediat.

Ajo mori si shembull rritjen e menjëhershme të numrit të kundërshtarëve të vaksinës në Gjermani. Në më pak se dy muaj, sipas një studimi, gatishmëria për vaksinim në Gjermani ra me 20%.

“Dezinformimi në kohët e pandemisë mund edhe të vrasë", tha i ngarkuari i BE për politikën e jashtme, Joseph Borrell.

Në internet ndërkohë ka me shumicë teori konspiracioni. Njëra prej tyre thotë që themeluesi i Microsoftit, Bill Gates bashkë me BE duan të përgjojnë njerëzit.

Komisioni i posaçëm pranë Parlamentit Europian gjithashtu do të ketë në fokus edhe ato që shihen si përpjekje të Kinës apo Rusisë për të rrënuar demokracitë në BE e për ta dobësuar atë vetë dhe rolin e saj nëpër botë.

  • Sondazhi i ditës:

    A jeni dakord me rekomandimin e Komitetit të Imunizimit për dozë të tretë vaksine për mbi 60 vjeçarët?

Komento


×

Lajmi i fundit

John

‘Shahu’ i dy superfuqive, SHBA skeptike ndaj Kinës për çështjen e Tajvanit: Nuk mund t’i zëmë besë, nuk kanë miq as aleatë