Presidenti rus Vladimir Putin është dekoruar këtë fundjavë me medaljen më të lartë të nderit nga Republika Srpska në Bosnjë.
Ka qenë aletati i tij në Ballkan, Milorad Dodik, president i Republikës Srpska, që i akordoi dekoratën në një ceremoni. Medalja ishte për të njohur "shqetësimin dhe dashurinë patriotike" të presidentit rus Putin për gjysmën e Bosnjës të kontrolluar nga serbët.
Medalja do t'i dorëzohet Putinit gjatë takimit të tij të ardhshëm me Milorad Dodik.
Milorad Dodik është personazh jetëgjatë në politikën ballkanike, dhe së fundmi i sanksionuar nga amerikanët. Sipas analistëve të rajonit, Dodik ka lidhje të thella politike me Rusinë.
"Putini është përgjegjës për zhvillimin dhe forcimin e bashkëpunimit dhe marrëdhënieve politike e miqësore midis Republikës Srpska dhe Rusisë," tha Dodik. Republika Sprska është një nga dy entitetet e Bosnje-Hercegovinës, tjetra është Federata e Bosnje-Hercegovinës.
Ceremonia e ndarjes së çmimeve u mbajt për të përkujtuar Ditën Kombëtare të Republika Srpska, një ngjarje e diskutueshme që shënon ditën kur serbët e Bosnjës shpallën shtetin e tyre në Bosnje, në vitin 1992, duke ndezur një luftë katërvjeçare ku u vranë rreth 100,000 qytetarë.
Bosnja është vend i përçarë në vija etnike, teksa herë pas here situata tensionohet kur serbët lokale kërkojnë të shkëputen për t’u bashkuar me Serbinë, duke krijuar Serbinë e Madhe. Milorad Dodik përfaqëson serbët e Bosnjës dhe është një nga tre krerët që formojnë presidencën trepalëshe të vendit. Dy liderët e tjerë përfaqësojnë popullsinë myslimane boshnjake dhe kroate të Bosnjës.
Rusët janë kundër anëtarësimit të Bosnjës në Bashkimin Evropian dhe në NATO.
Nga ana tjetër Bashkimi Evropian ka dënuar vendimin e Republikës Sërpska të Bosnje e Hercegovinës dhe autoriteteve të saj për t'i dhënë presidentit rus Vladimir Putin ‘Urdhrin e Republikës Sërpska’, tha zëdhënësi i BE-së, Peter Stano.
"Në Bashkimin Evropian nuk ka vend për nderimin dhe shpërblimin e politikanëve që urdhërojnë shkatërrimin e një vendi fqinj dhe vrasjen e popullit të tij. Kjo duhet të jetë e qartë për të gjithë dhe ky vendim i udhëheqjes së Republikës Sërpska është për keqardhje dhe i gabuar”, tha zëdhënësi i BE-së në një konferencë të rregullt për shtyp.
Stano ka kujtuar se presidenti rus është drejtpërdrejt përgjegjës për agresionin e paligjshëm në Ukrainë dhe se civilët ukrainas po vriten dhe po shkatërrohet infrastruktura civile ukrainase.
Presidenti i entitetit të Bosnje dhe Hercegovinës Republikës Sërpska, Milorad Dodik, ndau çmimin me 8 janar për sic u tha "kujdesin patriotik dhe dashurinë [e Putinit] për Republikës Sërpska".
Komente
Lajme të tjera
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Media: Biden dhe Macron do të shpallin armëpushimin në Liban nesër! Lideri Suprem i Iranit: Netanyahu dhe ministri i tij duhet të dënohen me vdekje
25 Nëntor, 08:12 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12
Te gjitha reagimet nga Be jane fjale te kota qesharake,mendoni me te vertete dota sanksionojne Dodikun JO pse jo ?pse Dodiku ka shum mbeshtetje BE denon dikend qe eshte i varfer ose 100% i mvarur nga BE sic eshte Kosova dhe Shqiperia kurse Serbve nuk ju intereson BE kalojne 5 dekada per te zbatuar dicka kurse Ruset punojne ndryshe dhe shumica e popullates ne Ballkan jane Ortodoks kurse perendimi nuk i dine traditat e Ortodokseve ata lajmerohen gjithmone Viktima dhe perendimi ju beson Ortodokset jane dhelprat e Botes.
Përgjigju