Sali Berisha është duke bërë një puç brenda Partisë Demokratike. Akuza e fortë është bërë nga anëtari i Këshillit Kombëtar të PD Roland Bejko në një intervistë të dhënë në Report Tv. Bejko akuzon gjithashtu Berishën dhe ndjekësit e tij se mashtrojnë anëtarët e PD-së kur i kërkojnë që të firmosin formularin.
"Të gjitha ata që i janë bashkuar z. Berisha dhe kam vënë re që edhe media afër tij, si një portal që thonë se financohet nga familje e Berishës, duan me çdo kusht që ta përbaltin figurën e z. Basha. Duan të ngjisin te militantët idenë se Basha është në bashkëpunim me z. Rama dhe është njeri i Sorosit. E gjithë kjo që të përputhet me fjalorin e z. Berishës që e kam thënë edhe herë të tjera që është fjalor punist.
Rasti me flagrant është ai i Gjirokastrës, ku deputeti i zonës Tritan Shehu, i cili ka thirrur së bashku me kryetarin e degës si pjesë të këtij puçi që bën Berisha për të larguar kryetarin e ligjshëm të Partisë Demokratike z. Basha. Ata i thirrën demokratët që të firmosnin formularin duke i gënjyer anëtarët e Partisë Demokratike kur hasnin kundërshti", tha Bejko.
![]()
Ai nënvizioi se ka dijeni se z. Basha do të dalë së shpejti me një platformë të plotë se çfarë ka ai në kokë për të ardhmen e PD.
"Basha do të dalë së shpejti që të deklarojë projektin e tij, platformën e tij si kryetar i Partisë Demokratike tashmë që është liruar nga hija e Sali Berishës", tha Bejko.
Anëtari i Këshillit Kombëtar të PD Roland Bejko deklaroi se Sali Berishës i është bërë oferta që të dilte butë nga kjo situatë dhe të mos kishte përplasje. I është thënë që kujdes së do të çash partinë.
" Nuk ka budalla brenda PD-së që ta ndjekë Berishën në këtë aventurë kur ai është shpallur 'non grata. Të gjithë ata që e ndjekin janë ata që humbën thellë në vitin 2009. Si mund ta sjellë Berisha në pushtet PDS-në me të njëjtat metoda që i ezauroi z. Basha në këto 8 vite, ashtu siç ai vetë thotë', shprehet Bejko në Report Tv, i cili nënvizon se "Berisha thotë që pas meje lë të bëhet qameti. As nuk do t'ia fare për Partinë Demokratike. Kaq e ka merakun ai"
Beteja mes Sali Berishës dhe Lulzim Bashës për kontrollin e Partisë Demokratike, pas ndarjes përfundimtare në fillim të shtatorit, vazhdon me intensitet. Vijojnë akuzat për tradhti, pabesi, shitje të sovranitetit të partisë tek amerikanët, për 5 humbje dhe bashkëpunim me Soros prapa krahëve nga ana e Sali Berishës.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Ky eshte letyre komplet. Punohet ne cdo tv qe gjen. Per Bashen kam pas gjynaf te jem i sinqerte, por kur del e te mbron ty...do te thoate qe ai i mjeri ska me derman. Me mire te iki se kete tipa te amrrin me qafe. Une nuk e kam ndjekur Bejkon, kam ndjekur te shoqen, qe ythote per te te njejtat gjera qe ku thote per Berishen.. Por mire i behet PD. Ndaj njerezua Vonon Ramen
Përgjigju