Belind Këlliçi pa diplomë të shkollës së mesme, Evi Kokalari: Berisha të shpjegojë si e promovoi në pozicionet më të larta

Belind Këlliçi pa diplomë të shkollës së mesme, Evi Kokalari: Berisha të shpjegojë si e promovoi në pozicionet më të larta

1673016339_evikokalari.JPG

Evi Kokalari i ka bërë thirrje Sali Berishës që t’i kërkojë falje publike pas investigimit të publikuar së fundmi, në bazë të të cilit, Belind Këlliçi rezulton pa diplomë të shkollës së mesme.

Nëpërmjet një postimi në rrjetin e saj social, Kokalari tha se Berisha i detyrohet një shpjegim të detajuar demokratëve që e mbështetën gjatë foltoreve, për faktin që Këlliçin e ka promovuar për pozicionet më të larta brenda PD-së.

“Sali Berisha i detyrohet një shpjegim të detajuar çdo demokrati që e mbështeti gjatë foltoreve për këtë sharlatan, mashtrues dhe gënjeshtar që e promovoi për pozicionet më të larta në PD, ndërkohë që ja anashkaloi të gjitha pislliqet që mashtruesi bëri në zgjedhjet e këshillit kombëtar, kryesi, garat për forum rinor dhe primaret për bashki.

Po ta kishte ndaluar këtë individ atëherë kur mashtroi të gjithë demokratët, PD nuk do gjëndej në mes të një gare kaq të rëndësishme me një skandal të këtij niveli.

Sa për mua, që e kam mbështetur që nga dita e parë pa asnjë obligim nga ana e tij, qoftë financiar apo me forma të tjera, duhet të më kërkojë falje publike që më la mish për ujqërit dhe degjeneratat e Metës dhe të atyre mediave që financohen nga klani i Arben Ahmetajt”-shprehet Kokalari.

Ajo tha se nuk e kishte kuptuar kurrë interesin e Berishës për ta larguar nga vetja, ndërsa shtoi se duhej kontaktuar prokurori i përgjithshëm i shtetit të Maryland në SHBA për të hetuar rastin konkret, duke nënvizuar se Këlliçi ka gënjyer në aplikacionin e shkollës.

“Asnjëherë nuk e kam kuptuar se çfarë interesi kishte Berisha të më kthente kundër vetes, ndërkohë që më kishte aset të fortë në shumë drejtime. I kërkova për muaj të tërë që të mbronte një të drejtë bazike për të gjithë demokratët, 'te garantonte zgjedhje të barabartë’ për të gjithë, e që si pasojë, duhet të hiqte qafe ata që manipulonin në kurriz të shumicës. Nuk e bëri.

Ndërsa mashtruesit, dikush duhet të kontaktojë zyrat e prokurorit të përgjithshëm të shtetit të Maryland që të hap një investigim mbi këtë rast - sepse qartazi ky ka gënjyer në aplikacionin e shkollës. Gjithashtu, një ankesë duhet bërë dhe me 'Bar Association" të po këtij shteti ku është liçensuar i vëllai që duket se është 'the mastermind' mbas këtij skandali.

Ndërkohë, Harry Fultzit, bën mirë të heq nga bordi drejtues menjëherë vëllain e Belind Kellicit, nëse do të tregojë sado pak seriozitet, ndryshe duhet demaskuar publikisht që dhe Shqiptarët ta mendojnë mirë perpara se ta konsiderojnë si opsion shkolle për fëmijët e tyre.

Për sa i përket demokrateve të rithemelimit, vras mëndjen, kur do ta kuptojnë që armiku nuk jam unë. Madje, kam paguar kosto të lartë kur kam mbrojtur të drejtat e tyre dhe kam luftuar për një opozitë fortë, që do ti çoj ata vërtet në fitore”-shkruan Kokalari.


Lajmi kryesor:

INVESTIGIMI 1/ Belind Këlliçi nuk ka diplomë të shkollës së mesme, ja dokumentet që provojnë se si mashtroi universitetin amerikan dhe shtetin shqiptar


B.V/B.K./Shqiptarja.com
  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Euro 2024/ Paqe në Leipzig, Holanda dhe Franca barazojnë 0-0! Polonia jashtë Europianit

Euro 2024/ Paqe në Leipzig, Holanda dhe Franca barazojnë 0-0! Polonia jashtë Europianit