Bilanc lufte/ Nëntë të plagosur nga tre aksidente në Sarandë, Milot dhe Divjakë, mes tyre një polic (FOTO+VIDEO)

Nëntë persona janë plagosur sot nga tre aksidente në Sarandë, Milot dhe në Divjakë.  Pesë persona janë plagosur si pasojë e një aksidenti që është regjistruar mesditën e sotme në hyrje të qytetit të Sarandës. Si pasojë e përplasjes kokë më kokë të dy makinave, një 'Benz'-i dhe një 'Land Rover'-i, pesë personat që ishin në të dy makinat janë plagosur, por ndodhen jashtë rrezikut.

Aksidenti në Milot

Report Tv sjell pamjet e aksidentit, teksa duket që nga përplasja e fortë 'Land Rover'-i ka përfunduar në një biznes, rreth tre metra në lartësi nga rruga. Në të njëjtin vend, pak metra më tej u regjistrua një tjetër aksident me dy të plagosur ditën e djeshme. Ndërkohë që një aksident me tre të plagosur u regjistrua edhe në Rrugën e Kombit në Milot.

Mjeti me drejtues E.H.23 vjeç (efektiv policise) në Tropojë është përplasur me mjetin me drejtues A.M. 49 vjeç, banues në Tiranë. Si pasojë e përplasjes kanë marrë dëmtime dhe janë transportuar në spitalin e Traumës Tiranë, drejtuesit e mjeteve si dhe pasagjeri F.S. 46 vjeç, banues në Tiranë, i cili ndodhej si pasagjer në mjetin me drejtues A.M.

Aksident ne Divjake

Aksidenti i tretë ka ndodhur në Divjakë përballë gjimnazit. Një 50-vjeçar, Edmond Gjini sapo kishte marrë bukën dhe po kthehej për në shtëpi me biçikletë kur u përplas nga një makinë, që drejtohej nga një 30-vjeçar. 50-vjeçari u dërgua me urgjencë në spital për të marrë ndihmën e parë dhe sipas mjekëve nuk ka rrezik për jetën.

Foto aksidenti ne Sarande

TAG:
• aksident
• milot
• sarande
• divjakë
• Edmond Gjini