TIRANË, 5 shkurt/ATSH-Z.Tosku/- Ministri i Shëndetësisë, Ilir Beqaj, ka qene sot paradite ne komunën e Novoselës të rrethit të Vlorës për të ndjekur nga afër situatën në zonat e përmbytura.
Në një lidhje telefonike  per mediat, Beqaj u shpreh se "çdo gjë po funksionon në normalitet. Mjekët dhe infermierët e kane situaten nën kontroll. Sot ne do të fillojmë procesin e groposjes së bagëtive të ngordhura dhe dezinfektimin që të mos përhapet asnje epidemi", nënvizoi Beqaj. Ndërkaq, ai vuri në dukje se deri tani nuk ka asnjë rast të dyshuar të ndonjë sëmundje infektive që të burojë nga situata e krijuar. /a.ke/