Policia e Beratit ka arrestuar 4 persona, pasi akuzohen për trafik të lëndëve narkotike, ndërsa janë sekuestruar 2 kg e 91 gramë kanabis.
 
Të arrestuar janë Amarildo Muhametanji 21 vjeç, Xhuljan Dhëmbo 24 vjeç i dënuar më parë, Nertil Hoxhaj 29 vjeç i dënuar më parë dhe Klevis Sulko 19 vjeç, të gjithë banues në Urën Vajgurore.
 
 Shtetasit e mësipërm janë kapur në flagrancë rreth orës 15.00, të datës 05.08.2016, në aksin rrugor Ura Vajgurore - Berat, në afërsi të vendit të quajtur “Ura e hanit’.
 
Gjatë kontrollit të ushtruar  ne automjetin tip Benz me targa AA 815 JZ, në pronësi të Amarildo Muhametanji drejtuar prej tij,  iu gjetën dhe sekuestruan në cilësinë e provës materiale 2 kg e 91 gr kanabis.
 
Të arrestuarit dyshohen dhe  si kultivues të 950 rrënjë bimë të dyshuara kanabis të asgjësuara në fshatin Osmëzezë më datë 27.07.2016. 



d.b/shqiptarja.com