Familjet e përmbytura një vit më parë në Qarkun e Beratit si pasojë e vërshimit të lumenjve Osum dhe Devoll do të përfitojnë ndihmën e fundit në ushqime nga Arabia Saudite, ndërkohë që 464 biznese të kësaj zone do të mund të marrin dëmshpërblim nga fondi i akorduar nga Bashkimi Europian. 

44 familjet e përmbytura në bashkinë e Urës Vajgurore, ku dëmet e vërshimit të lumit Osum ishin dhe më të mëdha, por dhe disa familje në Berat e Kuçovë do të mund të përfitojnë nga një set me ushqime pjesë e ndihmës së fundit të dhënë nga Arabia Saudite.