Skandali në Berat/Po lypte me nënën, 5-vjeçari prek kabllot e zhveshura në mes të parkut, humb jetën fëmija! Prokuroria nis hetimet për Drejtorinë e Ndriçimit

BERAT- Një ngjarje e rëndë dhe skandaloze është regjistruar në Berat, ku kabllot e një spoti elektrik i kanë marrë jetën një fëmije 5-vjeçar. 

Report Tv mëson se Aleksandër Brahimasi nga komuniteti rom ka qenë në park duke lypur me nënën e tij, por është shkëputur për të luajtur në park, ku ka hasur kabllot epa izoluar për pasojë e ka zënë korrenti. Ai është dërguar me urgjencë në spital, por fatkeqësisht nuk ka mundur që të shpëtojë.

"Më iku fëmija, më iku nga duar, dilja për të siguruar bukën e familjes", mësohet të ketë thënë nëna e 5-vjeçarit.

Lidhur me këtë, Prokuroria e Beratit ka nisur hetimet ndaj Drejtorisë së Ndriçimit Publik në Bashkinë e Beratit, edhe pse tashmë duket e vonuar.

Bashkia e Beratit deklaron se ka nisur një inspektim për linjat e ndriçimit publik në qytet dhe se do të bashkëpunojë me institucionet për të zbardhur ngjarjen e rëndë.

"Bashkia Berat është njoftuar për humbjen tragjike të jetës së vogëlushit Aleksandër Brahimasi. Ka nisur një inspektim të hollësishëm të  sinjalistikës rrugore dhe linjat e ndriçimit publik në qytet. Bashkia Berat është e hapur për bashkëpunim me institucionet përkatëse për zbardhjen e plotë të ngjarjes tepër të rëndë.

Bashkia Berat garanton bashkëqytetasit se siguria e jetës së qytetarëve është detyra jonë parësore dhe nuk do të tolerohet asnjë neglizhim. Ngushëllimet më të sinqerta familjes, për humbjen tragjike të jetës së të dashurit të tyre" mbyllet deklarata.

Instalimet e shtylles (Spot i ndricimit me te cilin ra kontakt femija)

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 23/05/2020 09:13

    Oh i vogli i shkrete sa gjynah per fatin e tij.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë