Bëri plot 31 tatuazhe me super-heronj, fansi i çmendur i "Marvel" thyen rekord botëror

Bëri plot 31 tatuazhe me super-heronj, fansi i çmendur i

Rick Scolamiero, fans i Marvel

Plot 31 tatuazhe me super-heronj ka bërë mbi trupin e tij një fans i "Marvel", shtëpisë botuese të librave "comics" me super-heronj, që më pas u zhvillua në një nga studiot më të njohura kinematografike në botë.

Rick Scolamiero, 36 vjeç, ka qëndruar plot 350 orë në studion e tatuazheve për të dekoruar pjesën më të madhe të trupit të tij me personazhe të Marvel-it.

Kur fansi kanadez bëri tatuazhin e tij të parë në njërin krah në vitin 2011 - një Spider-Man - ai kurrë nuk e mendonte se do të thyente rekord botëror me atë që kishte nisur.

Fillimisht ai tha se donte të mbulonte vetëm njërin krah me superheronjë, por puna e artistit që i bëri tatuazhet e para i pëlqeu aq shumë sa deshi të mbulonte sipërfaqe më të mëdha të trupit.

Duke folur për Guinness World Records, ai tha:

“Unë u dashurova me punën e artistit dhe doja të vazhdoja të shihja se çfarë tjetër mund të gjenim në lidhje me tatuazhet".

Ai ka të tiposura në trup gjithë personazhet e Marvel-it,  si Vejushën e Zezë, Hulkun, Njeriun e Hekurt, Supermenin etj.

Si një fans i çmendur, Rick takoi edhe Stan Lee, artistin e librave "comics" që themeloi Marvel-in.

Stan Lee firmosi një autograf në kyçin e dorës së Rick-ut, të cilin, për ta pasur kujtim të përhershëm, ky i fundit e ktheu në tatuazh.

U deshën disa seanca tatuazhesh prej gjashtë orësh për të arritur përfundimin që 36-vjeçari kishte synim, dhe plot 350 orë nën pickimin e gjilpërës me bojë.

Njerëzit shpesh e ndalojnë atë në rrugë për ta komplimentuar, e madje fillojnë të komentojnë mbi historitë e Marvel-it që tashmë pasqyrohen mbi trupin e tij.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

Lufta në Ukrainë/ 42 vende kërkojnë që Moska të tërheqë forcat ushtarake nga termocentrali bërthamor në Zaporizhzhia

Lufta në Ukrainë/ 42 vende kërkojnë që Moska të tërheqë forcat ushtarake nga termocentrali bërthamor në Zaporizhzhia