Ish kryeministri Sali Berisha ka hedhur akuza ndaj kryeministrit Edi Rama dhe ish ministrit të Brendshëm Saimir Tahiri se kanë kryer krime kundër njerëzimit gjatë ndërhyrjes së policisë në Lazaratin e kanabisit. Pas takimit me banorët e Lazaratit, thotë se bandat kriminale me uniformë i kanë vënë armët në gjoks fëmijëve dhe nënat që i mbrojtën duke kryer terrorizëm ndaj tyre.

Berisha tha se shumë shpejt do të çojë në Lazarat një grup hetimor për këto krime që pretendon, por në fakt harron se përplasja me disa banorë të kthyer në grupe të armatosura i mori jetën një polici.

“U ktheva më i impresionuar se kurrë në 30 vite nga vizita ime në Lazarat. Në ato rrëfime konstatova se Edi Rama dhe Saimir Tahiri kanë kryer krime kundër njerëzimit. Në këtë fshat, krime të vërteta me operacionet antidrogë, bandat kriminale me uniformë nuk kanë hezituar t’i vendosur tyta automatiku në gjoks fëmijëve 2-3 vjecar. Terorrizëm të tillë, banorët nuk e kanë parë në të gjithë ekzistencën e tij. Garantoj banorët se shumë shpejt do organizojnë grupe hetime, do marrin ndëshkimin e merituar.

Vizitova Dervicanin, Dropullin, po shkretohej minoritetit, tokat e mbetura djerrë. Ajo zonë ka ende 5 ndërmarrjet më të mëdha të Shqipërisë. Dhe pas ndërtimit të Unazës së Jugut, nuk u dërgohet korrenti 20 kv. Zonat kanë qenë të htypura, sot ndihen të braktisura. Ju thashë, Edi Rama mund të vijë e të thojë fjalë greqisht, por është armik i lirive të tyre. Bëj thirrje të gjithë banorëve të jugut të lidhemi në një betim solemn, të lëmë dallimet partiake, sot armik i lirive të tyre është sekti i Rilindjes që vjedh e plaçkit cdo ditë”, tha Berisha.

Berisha duket se nuk e mban mend çfarë ka ndodhur në mesnatën e 24 qershorit 2015 kur u vra efektivi i policisë Ibrahim Basha gjatë një operacioni të policisë në fshatin që njihej për kultivimin e kanabisit. Aso kohe, kur ministria e Brendshme drejtohej nga Saimir Tahiri, forcat blu nisën një operacion në zonën e Lazaratit, pasi kishin informacione se disa të rinj po përgatiteshin për veprime kriminale.Gjatë kontrolleve, u arrestua Xhulio Malo sepse në automjetin që po drejtonte kishte armë dhe kokainë. Kur kolegët njoftuan palën tjetër për të bërë shoqërimin e Malos, u qëllua me armë zjarri nga një largësi rreth 200 metra. Nga goditjet me armë mbeti i vdekur efektivi i policisë, Ibrahim Basha, si edhe janë plagosur efektivët Jetmir Isai dhe Perlat Hamitaj.  

Ndër të tjera, në deklaratën për mediat përmendi edhe takimin me banorët në Gjirokastër, ku tha se vuri re shpopullim masiv dhe i mbeti në mendje fjala e një nëne që kishte vështirësi ekonomike dhe nuk arrinte dot të merrte as një certifikatë.

“Është i paimagjinueshëm se rrënimi ekonomik si shkak kryesor i këtij shpopullimi tejkalon të gjitha përmasat. E kam menduar disa herë udhëtimin tim. Mund ta vlerësoj si udhëtimin në katakombet e biznesit të jugut. Do t’u jap vetëm një shembull. Në Libohovë, nga 50 kompani ndërtimi që kishte në 2013, sot nuk kishte asnjë.

Ferma, prodhime, ishin të falimentuara. Në Gjirokastër kaloje rrugës, të lëndonte në shpirt kompensatoja në vitrinat e dyqaneve të falimentuara. Një politikë për shpopullimin e kësaj zone ndiqet nga qeveria, largimi i institucioneve nga Gjirokastra kishte boshatis qytetin. Nuk më hiqet nga mendja një nënë pensioniste që më thotë, thuaji Edi Ramës, si mund të shkoj në Tiranë për një certifikatë me pensionin që kam. Nuk udhëtoj dot se rruga më kërkon aq para sa kam pension. Sot në universitet dominonte mungesa masive e studentëve. Të gjithë masat e kësaj qeverie conin drejt vdekjes graduale së një qyteti që qëndron në kurorën e trashëgimisë botërore”, tha Berisha.

Një koment Berisha e dha edhe për 50-vjetorin e Akademisë së Shkencave duke sulmuar Skënder Gjinushi, “si ish-ministrin e diktaturës që uzurpoi postin e kreut të akademisë duke ia shitur partinë e tij Tom Doshit”.

Rendit zhvillimet sipas orarit:
Ora 12:57
50-vjetori i themelimit të Akademisë së Shkencave, Berisha: Përcjellin periudhën marksiste-leniniste! Janë bashkëfajtorë për tiraninë e Enver Hoxhës

 

Në 50-vjetorin e themelimit të Akademisë së Shkencave, Sali Berisha ka hedhur akuza se kjo akademi përcjell periudhën marksiste-leniniste.

Nga një akademi që përcjell periudhën marsiste leniniste. Nga kjo akademi u hyjnëzuarn antivlerat, në vlerat e saj spikati mashtrimi, spitai glorifimi i të keqes dhe diktatori. Akdamedia është bahskëfajtore për tiraninë për tiraninë e Enver Hoxhës. Sot është koha jo të lavdërohen or të denoncohen me të madhe si aktet më të rënda ndaj shqiptarëve. Nuk ishte në akademi historia jonë kombëtare, historia e dekadave të fundit të Shqipërisë. Po kaq viktimë u bë dhe gjuha shqipe, e cila për paranojë të diktatorit mori goditjen më të rëndë në tërë ekizstencën e saj.- tha Berisha.