Berisha-Doshit në 12 shkurt: E
provuan, desh të…e mbylle gojën

TIRANE - Sa dijeni kishte ish-kryeministri Sali Berisha, që ndaj deputetit Tom Boshi do bëhej atentat, siç pretendon dhe ky i fundit. Këtë e tregon më së miri seanca plenare e 12 shkurtit, shumë kohë përpara se deputeti Tom Doshi të akuzonte publikisht kryetarin e Parlamentit Ilir Meta se ka paguar njerëz për të vrarë atë dhe Mhill Fufin, ku Berisha do të nxirrte disa detaje. 

Sali Berisha: Sot vendimin e merr krimi në Shqipëri. 

Doshi: Se mohoj jo, nuk e mohoj.
 
Berisha­-Doshit: Ti e di shumë mirë që vendimin e merr krimi. E provuan, desh të… E ka marrë vesh gjithë Tirana, se e mohon ti është tjetër gjë… Si e mbylle gojën kështu për këtë (Saimir Tahirin) ti? Nga ultimatumi i Shullazit e mbylle gojën, këtë e dinë të gjithë. 

Tom Doshi: Nuk ma mbyll gojën njeri mua.
 
Sali Berisha: Lëri ato! Dakord, dakord.
 
Tom Doshi: Je i zoti ti? Do bashkëpunosh?!

Doshi: Ti Doktor e di që nuk është Shullazi.

Berisha: E di, e di.

Doshi: Dëgjo nuk ka ardhur koha akoma me fol. Se ti e di Doktor, i thashë, më mirë se kushdo se unë nuk kam frikë. Por kur të vijë koha që unë do të flas,  ti mos e merr në mbrojtje atë person, se një herë e ke marrë në mbrojtje.

Berisha: Jo, nuk marr njeri në mbrojtje.

Doshi: Se aty, është i përfshirë edhe një deputet i joti.
 
Redaksia Online
(g.f/Shqiptarja.com)