TIRANE- Ish-kryeministri Sali Berisha ka reaguar lidhur me festimet e mbajtura dje në Përmet në 70-vjetorin e “Kongresit të Përmetit”. Në një reagim në rrjetin social “Facebook”, Berisha shkruar se “festimi dhe nderimi i kësaj ditë në prag të marrjes së statusit të vendit kandidat, janë një tallje cinike e klikës punisto-mafioze e vendimit historik të BE për Shqipërinë”. Më tej, Berisha thotë se opozita duhet të shpëtojë vendin nga kjo situatë.
 
“Klika punisto-mafioze ne pushtet feston me Enver Hoxhen.
 
Te dashur miq, dje përfaqësuesit me te larte te klikes punisto-mafioze ne pushtet festuan me portrete te Enver Hoxhës 70 vjetorin e Kongresit te Përmetit, një nga datat me te zeza te historisë sonë kombëtare. Nderimi i ditës qe themeloi ne Shqipëri diktaturën me te egër te historisë se Europës se Pasluftës, ditës qe varrosi idealet e lirisë se shqiptareve, për te cilat ranë për t’u bere te pavdekshëm mijëra e mijëra shqiptare ne Shqipëri dhe mbare trojet shqiptare.
 
Ky është një akt i shëmtuar, provokacion i ulet i regjimit punisto-mafioz ndaj atyre qindra mijëra shqiptareve qe ranë për t’u bere te pavdekshëm për lirinë dhe dinjitetin kombëtar dhe njerëzor për fjalën e lire, besimin tek Zoti, vokacionin perëndimor te kombit shqiptar. Ata qe kremtuan sot ditën e themelimit te diktaturës hoxhiste, regjimit me barbar qe shqiptaret kane njohur ne tere historinë e tyre, shkelmuan dhe përdhosen sagën e vuajtjeve, torturave, persekutimeve, urisë kronike dhe izolimit me te thelle te shqiptareve, qe Enver Hoxha, i quajtur Hitleri shqiptar i Pasluftës, dhe regjimi i tij mizor iu shkaktoi atyre.
 
Festimet me Enver Hoxhën dhe nderimi i datës se themelimit te regjimit me barbar te kohërave ne prag te marrjes se statusit te vendit kandidat, janë një tallje cinike e klikës punisto-mafioze e vendimit historik te BE për Shqipërinë. Ky regjim duket se po legalizon moton "me Enver Hoxhen drejt Europes". Opozita shqiptare sot me shume se kurrë duhet te shpëtoje vendin nga aleanca e qelbësirave te regjimit punisto-mafioz!! Sb”, shkruan Sali Berisha.

Redaksia Online
(e.s/shqiptarja.com)