POP 5

Lajmet më të lexuara të 5 minutave të fundit

Politikë

Berisha frikë nga dosjet e sigurimit 
 verifikim të trefishtë kandidatëve 

Ish-kryeministri Sali Berisha duket se është i shqetësuar nga pasojat e finalizimit të procesit të hapjes së dosjeve të Sigurimit të Shtetit.  VIDEO
Ish-kryeministri Sali Berisha duket se është i shqetësuar nga pasojat e finalizimit të procesit të hapjes së dosjeve të Sigurimit të Shtetit. Berisha nuk i beson Drejtorisë së Informacionit të Klasifikuar pranë Kryeministrisë, e cila ka certifikuar kandidatët për hapjen e dosjeve të ish-Sigurimit të Shtetit. Konstituimi i komisionit për hapjen e dosjeve pritet të kthehet gradualisht në mollë sherri mes demokratëve dhe socialistëve, për shkak të mosbesimit dhe pasigurive të dyanshme. Konkretisht, Partia Demokratike, pavarësisht certifikimit nga DSIK, kërkon një verifikim tjetër për kandidatët për hapjen e dosjeve, duke iu referuar ligjit për dekriminalizimin.

Lëvizja
Kandidatët që kanë shprehur ambicien për t’u bërë pjesë e këtij komisioni kanë bërë me dije se, Partia Demokratike ka kërkuar një verifikim të imtësishëm, sidomos për kandidatët me lidhje me krahun tjetër politik. Verifikimi do të jetë kusht për votën pro kandidatëve në Parlament nga ana e deputetëve të opozitës. Po ashtu, verifikimi do të kushtëzojë edhe 28 firma, për dy kandidatë të propozuar nga shoqëria civile dhe ish-të përndjekurve politikë.

Aktualisht, kandidatët po plotësojnë formularët e vetëdeklarimit për të shkuarën e tyre, në bazë të ligjit për dekriminalizimit, por demokratët po përgatiten për një tjetër verifikim të të kaluarës së tyre, çka mund ta zvarrisë më tej procesin. Ndërkaq, të trazuar nga hapja e dosjeve ka edhe ligjvënës të tjerë të Parlamentit Shqiptar, të të gjithë krahëve. Pikërisht, për shkak të impaktit dhe pasojave të procesit të hapjes së dosjeve, palët janë përfshirë nga një dilemë dhe hezitim i pazakontë. Nga ana të të përndjekurve politikë është artikuluar një tezë, sipas të cilës, elementë nga të dyja palët, janë të interesuara, për sabotimin e këtij procesi.

Ligji ndalon verifikimin
Ligji i dekriminalizimit ndal verifikimin e kandidatëve për anëtar të autoritetit për hapjen e dosjeve. Autoriteti ka detyrimin t’i përgjigjet çdo kërkese të institucioneve kushtetuese dhe autoriteteve publike, lidhur me ekzistencën e informacioneve në dokumente të ish-Sigurimit të Shtetit, kur kjo kërkohet në kuadër të vlerësimit, sipas legjislacionit përkatës, të cilësive etike, morale dhe profesionale të kandidatëve për t’u emëruar ose ngritur në detyra, por me një përjashtim. Autoriteti nuk administron kërkesat për informacion për zyrtarët që propozohen të emërohen ose ngrihen në detyrë në institucionet kushtetuese dhe autoritetet publike kur ata kanë marrë certifikatën e pastërtisë së figurës nga institucionet përgjegjëse.

Korrigjimi
“Me vendim të veçantë dhe të arsyetuar, komisioni korrigjon çdo informacion që rezulton i pasaktë, pas konstatimit nga vetë Autoriteti apo verifikimit me kërkesë të personit të interesuar, duke bërë reflektimet përkatëse në dokumente”.
 
Deklaratat
Kandidatët po plotësojnë formularët e vetëdeklarimit për të shkuarën e tyre, në bazë të ligjit për dekriminalizimit, por demokratët po përgatiten për një tjetër verifikim.
 
Redaksia Online
(A.N/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SHBA-ja sanksionon industrinë serbe të naftës për shkak të pronësisë ruse

SHBA-ja sanksionon industrinë serbe të naftës për shkak të pronësisë ruse

10 Janar, 17:21