POP 5

Lajmet më të lexuara të 5 minutave të fundit

Arkiva

Berisha: Gorbacovi zgjodhi popullin
Topalli: Një personalitet frymëzues

Kryeministri i vendit, Sali Berisha, mirëpriti sot në një takim Presidentin e fundit të Bashkimit Sovjetik, Mihail Gorbavov, i cili ndodhet në Shqipëri si i ftuar nderi në Kampionatin Botëror të Shahut për Femra, që po zhvillohet në Tiranë.
Gorbaçov viziton Tiranën për kampionatin e shahut
Kryeministri i vendit, Sali Berisha, mirëpriti sot në një takim Presidentin e fundit të Bashkimit Sovjetik, Mihail Gorbavov, i cili ndodhet në Shqipëri si i ftuar nderi në Kampionatin Botëror të Shahut për Femra, që po zhvillohet në Tiranë.

“Ndër vendet e kombet ish komuniste, shqiptarët kanë ndjekur me admirim e vëmendje të madhe të gjitha lëvizjet tuaja, të cilat kanë pasur rëndësi historike për nxjerrjen e këtyre popujve nga diktatura” tha Berisha. “Midis nomenklaturës dhe popullit ju zgjodhët popullin”.

Kryeministri u shpreh se “sot ndjehem krenarë që nga vendi i hiperkolektivizimit total, ekonomisë së rrënuar, investimeve të huaja të ndaluara, me të ardhura për frymë 204 dollarë në vitin 1992 dhe papunësisë 80 për qind, është sot vendi që ka pësuar ndryshime rrënjësore, me të ardhura për frymë 8000 dollarë, me rritje 316 për qind të investimeve të huaja, me një ekonomi reale që i rezistoi recesionit".

Presidenti Gorbacov shprehu kënaqësinë që vizitonte Shqipërinë, duke theksuar se dëshira për të vizituar Shqipërinë ka qenë e hershme.

“Unë jua kam pasur shqiptarëve borxh këtë vizitë dhe tani e shleva atë”, theksoi zoti Gorbacov.

Gorbacov e përgëzoi Kryeministrin për arritjet e Shqipërisë gjatë gjithë këtyre viteve. “Ju jeni një politikan real dhe kjo është e rëndësishme për vendin”, u shpreh zoti Gorbaçov.

Gorbacov u prit sot edhe nga Kryetarja e Kuvendit, Jozefina Topalli. Duke i uruar përzemërsisht mirëseardhjen, Kryetarja e Kuvendit vlerësoi figurën dhe kontributin e tij të çmuar dhe të padiskutueshëm në përfundimin e Luftës së Ftohtë

“Për Shqipërinë dhe shqiptarët, ju keni qenë një personalitet shumë i rëndësishëm, frymëzues dhe shpresëdhënës për erën e ndryshimeve dhe rënien e Murit të hekurt në Shqipëri” tha Topalli.

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Refuzoi që Kanadaja të ishte shteti i 51 i SHBA-së, Musk për Trudeau: Vajzë, ti nuk je më guvernatorja e vendit

Refuzoi që Kanadaja të ishte shteti i 51 i SHBA-së, Musk për Trudeau: Vajzë, ti nuk je më guvernatorja e vendit

8 Janar, 14:22