POP 5

Lajmet më të lexuara të 5 minutave të fundit

Politikë

Berisha: Historia ngjiti shqiptarët
në mal, t’i zbresim buzë detit

Kryeministri Berisha dëshiron t'i zbresë shqiptarët nga mali - ku sipas tij i ka ngjitur historia - në breg të detit. Shefi i Qeverisë e bëri publik vizionin e tij gjatë një takimi të organizuar nga Agjencia Kombëtare për Planifikimin e Territorit dhe USAID.
TIRANE - Kryeministri Berisha dëshiron t'i zbresë shqiptarët nga mali - ku sipas tij i ka ngjitur historia - në breg të detit. Shefi i Qeverisë e bëri publik vizionin e tij gjatë një takimi të organizuar nga Agjencia Kombëtare për Planifikimin e Territorit dhe USAID, pjesë e një projekti të agjencisë amerikane për Planifikimin e Qeverisjes Vendore në Shqipëri. Berisha tha se 90% e bregdetit shqiptar është i pashfrytëzuar dhe ftoi që përveç investimeve turistike të planifikohen edhe zona rezidenciale.

“Duhet të rregullojmë raportin e kombit mbi detin, historia ka qenë kjo, shqiptarët i ka spostuar drejt maleve, edhe sot që jemi këtu nëse ulemi në Google do gjejmë që 90 % e bregut shqiptar është e pandërtuar, e pa shfrytëzuar. Duhet të krijojmë një raport të ri me detin. Të kthejmë kombin me sy drejt detit.”, tha Berisha.

Kryeministri e quajti një emergjencë mungesën e planeve për urbanizimin e Shqipërisë, proces ky që sipas tij për nga ritmi mund të krahasohet vetëm Kinën. Ai gjithashtu akuzoi disa abuzime me lejet e ndërtimit që sipas tij kanë kthyer disa persona në milionerë brenda natës.

“Duhet të pranojmë me se në qytetet tona, ende nuk ka marrë fund praktika kur një qytetar gdhihet në mëngjes milioner dhe fqinja i tij vazhdon të mbetet në mjerim për shkak të një dokumenti që quhet leje ndërtimi.”, u shpreh kryeministri.

Janë 15 bashkitë e komunat partnere të projektit të USAID për planifikimin e qeverisjes vendore që ka të bëjë me përfitimet e rritjes ekonomike, degradimin mjedisor dhe zhvillimin e shoqërisë. Në takim mori pjesë edhe ambasadori amerikan Arvizu që ftoi qeverisjen vendore të ofrojë më shumë mbështetje e burime financiare ndaj këtyre planeve.

(im/Gre.M/Shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50