POP 5

Lajmet më të lexuara të 5 minutave të fundit

Politikë

Berisha i ankohet mikut Grossruck:
PS do e çojë vendin në recension

Në ditët e fundit të qeverisjes së tij, kryeministri në ikje Sali Berisha, iu ankua mikut të tij Grossruck, për tu ankuar në lidhje me programin e Partisë Socialiste.
TIRANE - Në ditët e fundit të qeverisjes së tij, kryeministri në ikje Sali Berisha, ka gjetur mikun e tij dhe të qeverisë, Volfgang Grossruck, për tu ankuar në lidhje me programin e Partisë Socialiste.
 
Grossruck ishte sot në Shqipëri jo në cilësinë e kreut të Asamblesë Parlamentare të OSBE-së por në cilësinë e deputetit të parlamentit austriak,  për t’i dhënë ndihmë logjistike dhe trajnime të shërbimit zjarrfikës të disa qyteteve të Shqipërisë.

Gjatë takimit në kryeministri, Berisha iu ankua mikut të tij se me premtimet antiglobaliste dhe me një ekip qeverisës pa experience, PS-ja do ta çojë Shqipërinë në recesion.

“Partia Socialiste me premtime antiglobaliste dhe jo realiste si shërbim shëndetësor falas, heqje të taksave për 95 përqind të shqiptarëve, legalizime falas etj, dhe me një ekip qeverisës pa eksperiencë do ta çojë Shqipërinë në recesion, duke sjelle krizë ekonomike, papunësi e varfëri” citohet t'i ketë thënë kryeministri mikut të tij  informon zyra e shtypit e kryeministrit.

Grossruck, nga ana e tij, shprehu vlerësime për Shqipërinë e kësaj periudhe ndërsa theksoi angazhimin për vazhdimin e bashkëpunimit. Ai tha se, qeveria e re do t’i konsolidojë e çojë përpara këto arritje.
 
Në kuadër iniciativës së Grossruk u janë dhuruar pajisje shërbimeve zjarrfikës së Vlorës, Shkodrës, Krujës dhe Laçit, duke ofruar edhe trajnimin e efektivave zjarrfikës të tyre. Ndihma kap vlerën e përgjithshme të 500 mijë euro.
 
Gjatë takimit, Berisha tha se, e konsideron të rëndësishëm për të gjithë shqiptarët bashkëpunimin me Austrinë dhe se shpreson që marrëdhëniet mes dy vendeve dhe kombeve tona do të vazhdojnë të zhvillohen intensivisht.

Në takim ishte dhe kryetari i PD-së, njëkohësisht kryetari i Bashkisë së Tiranës, Lulzim Basha

Grossruck berisha
(Ne foto: Takimi sot ne kryeministri)
Redaksia online
(ac/sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03