TIRANE - Kryeministri Berisha dhe deputeti i PS-së, Erion Braçe, kanë shkëmbyer disa fjalë me njeri-tjetrin në rrugë e sipër, në hyrje të Parlamentit. Braçe e sqaron vetë situatën në Fb.

"Po me pyesin shumë "ç'të tha Berisha e çfarë i the", shkruan Braçe. - "Kujtova se ishte dëgjuar në media. Po ua them. Hapi xhamin e makinës së tij, sa tromaksi rojet dhe tha: "Ta gëzoni!"

Ju ktheva e i thashë: Ngele duke vjedhur! Vjedh para, vjedh edhe deputetë. Rri në këmbë vetëm prej vjedhjeve! Vidh e vidh e të shkoi pleqëria!"

Qeshi si idiot, përshëndeti me dorë sa gati ia zuri xhami që po i mbyllnin rojet dhe iku", rrëfen Braçe.

Ngacmimi i Berishës lë të kuptohet se është fjala për partinë që iu shtua koalicionit opozitar, LSI-në, duke braktisur pozitën vetëm 3 muaj para zgjedhjeve. 

Redaksia online
(ar.sh/shqiptarja.com)