POP 5

Lajmet më të lexuara të 5 minutave të fundit

Opinion

Berisha ka vendosur ta keqpërdorë Lulzimin

Kinostudio “Shqipëria e Re”, do ta kishte zili një personazh si Lulzim Basha. Një kryetar partie, që i rikthehet fushatës elektorale, edhe pse ka pranuar rezultatin e saj. Një kryetar si ai, që nuk di çfarë kërkon më shumë nga ata që mbledh tutje-tu, sa në Durrës apo Lezhë, duke menduar se “do të më besojnë edhe kësaj here”.

Berisha ka vendosur ta keqpërdorë Lulzimin

Sali Berisha dhe Lulzim Basha

Kinostudio “Shqipëria e Re”, do ta kishte zili një personazh si Lulzim Basha. Një kryetar partie, që i rikthehet fushatës elektorale, edhe pse ka pranuar rezultatin e saj. Një kryetar si ai, që nuk di çfarë kërkon më shumë nga ata që mbledh tutje-tu, sa në Durrës apo Lezhë, duke menduar se “do të më besojnë edhe kësaj here”. Sali Berisha me “heshtjen” e tij,duket se ka vendosur ta diskreditojë përfundimisht Lulzim Bashën. Toleranca e shtirur e ish-kryetarit ndaj humbjes dhe mungesës së reagimit institucional të Lulzimit, flet më shumë se gjithçka tjetër kërkon ai me “ankesat për votat e vjedhura” të kutive. Berisha tanimë e di fare mirë, se Lulzimi është krejt i papërgjegjshëm në ushtrimin e funksioneve shumë të rëndësishme që ka patur dhe ka aktualisht. Berisha e di fare mirë, se Lulzimi nuk ka lënë “gjurmë” të mira as kur ishte ministër, as kur ishte kryetar bashkie, dhe as tani që mban me “pahir” postin e kryetarit të partisë.

Aktualisht Partia Demokratike e Lulzimit, nuk ka asnjë lidhje me partinë e Berishës. Por hezitimi për ta “ndëshkuar”, ndoshta lidhet me mundësinë për ta lënë Lulzimin të zhvillojë deri në fund “betejat” e tij. Pavarsisht se e mbajti pranë dhe emëroi “mëkëmbësin” e tij, Lulzim Basha kurrë nuk u identifikua si kryetar partie me moralin dhe vërtetësinë e njeriut që di të fitojë dhe frymëzojë. Berisha që pas humbjes së zgjedhjeve të 2017, ka qenë njeriu i vetëm që duke mbajtur Lulzimin kryetar, kishte menduar të siguronte pavdeksinë e tij politike edhe mbi PD-në. Cilindo tjetër që do të kishte humbur 4 palë zgjedhje rresht, Berisha do ta kishte sikterrisur nga PD-ja. Ja që me Lulzimin ndryshon puna, pasi përmes tij,Këshilli Kuvendor i PD-së, u hapi rrugë fëmijëve dhe dhëndrit për të hyrë në parti.

Produkti i Kuvendit të PD-së që u propogandua me të madhe, si “Partia e Re” e Bashës, në fakt ishte dhe mbetet partia e Berishës. Kujtojmë këtu se Sali Berisha deklaronte asokohe se “Këshilli Kombëtar i PD, është sot më përfaqësues në historinë e PD-së”, ashtu siç deklaronte se “lista e PD është më përfaqësuesja në historinë e saj”. Dhe rezultati dihet. Zgjedhje të humbura, mandate të djegura, protesta të dhunshme, ftohje dhe sulme ndaj ndërkombëtarëve, largime nga PD-ja, dhe një kryetar që nuk pranon se është shkaktari i gjithë kësaj situate. Natyrisht me heshtjen e tij, apo me ndonjë ndërhyrje tangentale, Sali Berisha të jep përshtypjen se “unë jam dorëhequr, nuk kam të bëj me rolin e kryetarit në PD”. Por e vërteta është ajo që shohin dhe dinë gjithë shqiptarët, vërtetim i të cilës ishte deklarata e Lulzim Bashës për “babain politik”.

Përfundimisht, Sali Berisha ka vendosur ta keqpërdorë beniamimin e tij, (humbësin serial të zgjedhjeve) por në një formë tjetër, duke dashur ta mbajë si “levën e tij” deri në momentin kur të ketë gjetur njeriun e duhur për ta zëvëndësuar. Ndoshta dhëndrin… apo dikë tjetër, kjo shumë shpejt do të shihet në fushatën e re zgjedhore të korrikut.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46