Berisha kërcënon me Kuvendin, PD mbledh nesër Kryesinë! Basha sërish përballë me mbështetësit e ish-kryeministrit: Të mbrojmë partinë

Berisha kërcënon me Kuvendin, PD mbledh nesër Kryesinë! Basha sërish përballë me mbështetësit e ish-kryeministrit: Të mbrojmë partinë

Lulzim Basha

Kryesia e PD-së, e zgjedhur në fund të muajit gusht, do të zhvillojë nesër mbledhjen e parë, të thirrur nga kryedemokrati Lulzim Basha, mes kërcënimeve të Berishës për mbledhjen e Kuvendit Kombëtar të partisë.

Bëhet me dije se mbledhja do të zhvillohet nesër në orën 16:00, në selinë blu. Kjo mbledhje Kryesie, organi më i rëndësishëm vendimarrës i partisë, vë edhe njëherë Bashën përballë mbështetësve të Berishës, mes të cilëve edhe Flamur Noka, Edi Paloka e Belind Këlliçi, të cilët janë pjesë e këtij organi.

Në një mesazh drejtuar anëtarëve të PD-së, Sekretari i Partisë Demokratike, Gazment Bardhi bën me dije se në mbledhje pritet të zhvillohen diskutime mbi situatën politike, si dhe "marrjen e masave për të mbrojtur interesin e Partisë Demokratike dhe funksionimin demokratik të organeve të saj".

Kjo mbledhje zhvillohet në kulmin e debateve në PD, ku Berisha dhe mbështetësit e tij pretendojnë se kanë mbledhur 4200 firma të delegatëve për thirrjen e Kuvendit Kombëtar të cilat i kanë depozituar në një kasafortë që e mban kreu i Këshillit Kombëtar Edi Paloka. Ndërsa PD zyrtare pretendon se firmat nuk janë mbledhur, dhe kjo sipas tyre vërtetohet me faktin që nuk lejohet verifikimi i tyre.

Basha e Bardhi më herët kanë bërë thirrje që firmat të depozitohen pranë protokollit të partisë në mënyrë që të nisë verifikimi i tyre dhe më pas mund të thirret Kuvendi Kombëtar. Pritet që Kryesia në mbledhjen e së hënës të dalë me një vendim në lidhje me këtë çështje të shumë debatuar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sali komunisti: 14/11/2021 20:44

    Basha eshte e ardhmja! Berisha eshte e shkuara.

    Përgjigju
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

U 'kryqëzua' nga tifozët, Elseid Hysaj hap rrjetet sociale! Mbrojtësi i Kombëtares: Kërkoj ndjesë, ishte gabim loje

U 'kryqëzua' nga tifozët, Elseid Hysaj hap rrjetet sociale! Mbrojtësi i Kombëtares: Kërkoj ndjesë, ishte gabim loje