Kreu i PD-së, Lulzim Basha i është rikthyer edhe njëherë marrëdhënies, tashmë të prishur, mes tij dhe Sali Berishës. Me një postim në Facebook, Basha shkruan se ka qenë 17 vjeç kur i ka dhënë dorën për herë të parë Berishës dhe se ishte angazhuar për përkushtim pa kushte për PD. Ai thekson se me Berishën nuk ka patur kurrë marrëveshje e as besë mes tyre për 'shkelmuar sakrificnën e demokratëve' për të mbrojtur njëri-tjetrin nëse cenoheshin interesat personale. Për kritikat dhe etiketimet që Berisha i ka bërë atij që kur u përjashtua nga grupi parlamentar i PD, Basha tha se kanë shtangur gjithkënd.
"Të vetmen besë që kam lidhur me Sali Berishën, që ditën e parë që i kemi dhënë dorën njëri-tjetrit kur kam qenë vetëm 17 vjeç, ishte për angazhimin dhe përkushtimin tim pa asnjë kusht për demokracinë, për Partinë Demokratike, për demokratët, për Shqipërinë. E njëjta besë ka qenë edhe në 2005, kur u angazhova me gjithë forcat e mia për fitoren e Partisë Demokratike, e më pas për përmbushjen e projekteve që ndryshuan njëherë e përgjithmonë Shqipërinë, të cilat i rikthyen dinjitetin shqiptarëve. Kurrë nuk ka pasur marrëveshje e as besë mes meje dhe Sali Berishës, që të shkelmonim sakrificën e demokratëve, për të mbrojtur njëri-tjetrin nëse cenoheshin interesat personale. Që pas 9 shtatorit gjithkush është shtangur nga etiketimet që Sali Berisha ka bërë ndaj meje", shkruan Basha.
Megjithatë, Basha thekson se nuk ka ndërmend të shkelë mbi vitet e bashkëpunimit me Berishën.
"Natyrisht unë nuk kam ndërmend të shkel mbi vitet e bashkëpunimit me të, në të mirë të shqiptarëve dhe Shqipërisë. Besa ime është për ta dhe për çdo demokrat, siç ka qenë ditën e parë", përfundon kryedemokrati.
Marrëdhënia mes Berishës dhe Bashës u kris pasi kreu i PD e përjashtoi atë nga grupi parlamentar, pasi SHBA kishte bërë të qartë se ish-kryeministri nuk duhej të ishte në parlament. Berisha e konsideroi 'goditje' veprimin e Bashës, ndërsa nisi edhe një tur takimesh me bazën demokrate me qëllimin e mbledhjes së 1800 firmave për mbledhjen e Kuvendit Kombëtar të PD, për të ndryshuar statutin e partisë dhe për të larguar Bashën nga posti i kryetarit.
Ai ka deklaruar se ka marrë 4200 firma, por fakti se ato janë mbyllur në kasafortën e Edi Palokës, për PD zyrtare është tregues se nuk ka mundur të marrë as 1/4 e atyre që i duheshin.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
Po Berisha me ate mendje hyri dhe vazhdoi ne politike.Ne fillim i dha besen Ramiz Alise,pastaj besen e lidhi me prokurore e gjykates.Ai do t'i mbronte ata,ata do te mbronin ate.Te njejten pakt ka bere dhe me Meten,Mediun etj.Interesat personale jane ato qe mbajne akoma aktiv.Por dhe ti mos u hiq si naiv,se Berisha nuk te zgjodhi kot ne krye te PD,se kishte langoj e sejmene me besnike se ti qe mund t'i vinte ne postin tend.Kot nuk te zgjodhi.
Përgjigju