Berisha:Konstadin Xhuvani shfrytëzoi
lidhjet me PS, Topin e Ina Ramën

TIRANË - Ish-Kryeministri, Sali Berisha përmes rrjetit social ‘Facebook’, ka deklaruar se Konstadin Xhuvani, djali i deputetes Luiza Xhuvani, nuk vuajti asnjë vit burgim për vrasjen e një bashkëmoshatari, kjo sipas tij falë lidhjeve me PS, ish-Presidentin Bamir Topi dhe ish-Kryeprokuroren Ina Rama.
 
Më tej Berisha shkruan edhe për përmendjen e Konstadin Xhuvanit në listën që qëllonte mbi policinë në Lazarat.  “Ditën që e ëma e rrokte dhe puthej me te ne mjediset e parlamentit ai drejtonte daljen nga Lazarati te karvanit te trafikanteve”- shprehet Berisha në rrjetin social ‘Facebook’.
 
Sipas Berishës, pas ngjarjes së sotme, deputetë socialist, Didi dhe fallanga e krimit po bejnë gjithçka për ta nxjerrë duar jashtë në këtë vrasje banditin e pushtetit.
 
 
“Ky akt makaber deshmon se sot krimi dhe qeveria jane nje e te pandare dhe se Policia e Shtetit ka zero kontroll mbi krimin dhe se ajo i ka leshuar krimit plotesisht territorin dhe kontrollin e tij.”- përfundon Berisha.
 
Statusi i plotë i ish-kryeministrit Berisha në ‘Facebook’


 
Redaksia Online
(a.h/shqiptarja.com)

TAG:
• lazarat