Berisha më i vjetri në Kuvend
do drejtojë seancën e parë

Berisha më i vjetri në Kuvend<br />do drejtojë seancën e parë
Ish-kryetari i PD, Sali Berisha është deputeti më i vjetër i zgjedhur në Kuvendin e ri, të dalë nga zgjedhjet parlamentare të 25 qershorit.

Sipas rregullores, seanca e parë e Kuvendit të ri, e cila sipas parashikimeve kushtetuese i bie të mblidhet javën e parë të shtatorit, do të drejtohet nga deputeti më i vjetër, në rastin kokret nga Berisha. 

Nuk dihet nëse Berisha do pranojë drejtimin e Kuvendit, pasi katër vjet më parë ai refuzoi ta bëjë një gjë të tillë, duke detyruar socialistin Namik Dokle (i cili nuk u përfshi në listat e deputetëve këtë herë), deputeti i dytë më i vjetër pas tij, që të kryesojë seancën e parë. 

Seanca e parë e Kuvendit është konstituive dhe drejtuesi i përkohshëm i saj do të ngrejë një sekretariat të përbërë nga tre deputetë, të cilët do bëjnë verifkimin e mandateve. 

Kuvendi i ri u fitua në masë nga Partia Socialiste e cila arriti të sigurojë 74 mandate, duke qenë në gjendje të qeverisë edhe e vetme nga shtatori, 43 deputetë fitoi PD, 19 LSI, 3 PDIU dhe një mandat u fitua nga Tom Doshi i PSD. 
 
Redaksia Online
l.q/Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Euro 24/ ‘Për pak sa s’më ndaloi zemra kur u bë goli’ tifozët shqiptarë flasin për Report tv pas ndeshjes me Italinë: S’kemi pse dorëzohemi

Euro 24/ ‘Për pak sa s’më ndaloi zemra kur u bë goli’ tifozët shqiptarë flasin për Report tv pas ndeshjes me Italinë: S’kemi pse dorëzohemi