Sipas Berishës, Kosova duhet të jetë në ballë të këtyre bisedimeve.
"Sot, Kryeministri i Serbisë deklaroi për herë të parë se jam i vendosur të punoj për marrëdhënie serbo-shqiptare, apo shqiptaro-serbe. Ky është një zhvillim pozitiv. Nëse themi se do punojmë për marrëdhëniet shqiptaro-serbe, unë s'kam kundërshtim. Vetëm me një kusht, Kosova përballë. Në këto marrëdhënie udhëheq Kosova. Dhe këto marrëdhënie do shkojnë atje ku duhet. Për palën shqiptare i udhëheq Kosova. S'po them që Tirana të mos bëjë politikën e vet, por çdo përpjekje për të vendosur në hije Kosovën është reminishencë e tradhtisë kombëtare", u shpreh Berisha.