POP 5

Lajmet më të lexuara të 5 minutave të fundit

Politikë

Berisha mashtron aleatët, Spahia:
PLL vetëm me PD, dalim me 140 emra

Kryeministri Berisha nuk e ka mbajtur fjalën e dhënë për aleatët për t’i pasur ata në listat rajonale të PD për kandidatë për deputetë.
Berisha mashtron aleatët, Spahia:<br />PLL vetëm me PD, dalim me 140 emra
TIRANE - Kryeministri Berisha nuk e ka mbajtur fjalën e dhënë për aleatët për t’i pasur ata në listat rajonale të PD për kandidatë për deputetë. Më se njëherë ai ua ka bërë të qartë se nuk mund të sakrifikojë vende të sigurta në listën preferenciale për deputetë në zgjedhjet e qershorit, për të futur krerët e partive aleate.

Muaj më parë krerët e partive aleate të Berishës, kanë marrë premtimin për të qenë pjesë e listës së PD sipas qarqeve të caktuara, me kushtin që të rrisin sa më shumë perfomancën e tyre në këto zgjedhje. Por pas kalimit të kreut të PDK Nard Ndoka në radhët e koalicionit të djathtë e marrjen prej tij të postit të zv.ministrit të Brendshëm Berisha ka preferuar të përcaktojnë një vend në listën proporcionale në qarkun e Shkodrës ose të Tiranës, vetëm për kreun demokristian

 Ndërsa aleatët e tjerë i ka lënë jashtë me argumentin se kanë qenë 8 vite në pushtet dhe të marrin vetë vota, ndërsa Ndoka ka qenë në opozitë. Por me sa duket është penduar dhe për Ndokën, duke kërkuar nga të gjithë krerët e partive aleate që të jenë pjesë e koalicionit si partnerë dhe me kontribute të barabarta.

Ndryshme nga Rama që ka dhënë formulën e koalicionit, Berisha ende nuk e ka bërë një gjë të tillë. Por kreu i PLL në koalicion me Berishën, Ekrem Spahia mendon ndryshe, duke deklaruar se ai do të jetë pjesë e koalicionit me Berishën dhe se do të dalë në zgjedhje me 140 kandidatët e saj. “Ne jemi në koalicion qeverisës me PD. Përsa i përket 23 qershorit PLL do dalë në koalicion me PD dhe aleatët e saj, ndërsa marrëveshja do të nënshkruhet në kohën e duhur.

Ne kemi qenë në aleancë me PD në kohë të këqija dhe të mira dhe sërish më 23 qershor do të jemi në koalicionin fitues me Berishën. Ne jemi parti që kemi mbështetje, kemi vlerat tona, dhe do të tregojmë forcën tonë në zgjedhjet e qershorit. Unë flas vetëm për PLL, për partitë e tjera s’di çfarë të them”, deklaroi dje për gazetën, kreu i PLL, Ekrem Spahia.

Shkrimi u botua në gazetën Shqiptarja.com (print) 24.03.2013

Redaksia Online
(b.m/shqiptarja.com)

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ironia e Spahiut: Partitë të mos shkruajnë programe, sepse populli nuk i lexon dhe harxhoni letra kot

Ironia e Spahiut: Partitë të mos shkruajnë programe, sepse populli nuk i lexon dhe harxhoni letra kot

31 Tetor, 23:02