POP 5

Lajmet më të lexuara të 5 minutave të fundit

Politikë

Berisha mbron marrëveshjen e tij me Greqinë për detin: Për fat të keq ndërhyri Turqia

Sali Berisha i ka dalë sërish në mbrojtje marrëveshjen e detit me Greqinë, duke thënë se fakti që kryeministri Edi Rama e ka çuar në Hagë ka qenë një ndërhyrje e fortë e Turqisë. Ai thekson se Gjykata Kushtetuese bëri gabim që e hodhi poshtë, duke e cilësuar si një marrëveshje shumë të mirë.

Berisha mbron marrëveshjen e tij me Greqinë për detin: Për fat të keq ndërhyri Turqia

Sali Berisha dhe Lulzim Basha

TIRANË- Sali Berisha i ka dalë sërish në mbrojtje marrëveshjen e detit me Greqinë, duke thënë se fakti që kryeministri Edi Rama e ka çuar në Hagë ka qenë një ndërhyrje e fortë e Turqisë. Ai thekson se Gjykata Kushtetuese bëri gabim që e hodhi poshtë, duke e cilësuar si një marrëveshje shumë të mirë.

“Greqia e nënshkroi duke pasur për vete gjashtë milje detare ujëra territoriale. Edi Rama ishte ai që paditi marrëveshjen në Gjykatën Kushtetuese. Turqia nuk u interesua kurrë për atë marrëveshje dhe bëri një ndërhyrje të fortë. Gjykata Kushtetuese hodhi poshtë një marrëveshje shumë të mirë. Pasi Gjykata Kushtetuese kundërshtoi, i thashë qeverisë [greke] se jam i detyruar të respektoj vendimin. Por unë thashë të shkojmë në Hagë. Në fillim kanë qenë në mëdyshje, por më vonë pranuan, kur e panë se isha shumë transparent. Edi Rama erdhi në qeveri dhe negocioi me qeverinë greke në kundërshtim të plotë me vendimin e Gjykatës Kushtetuese dhe ata përfunduan marrëveshjen. Më pas Greqia e vendosi ligjin në parlament dhe e vendosi në 12 milje detare siç është e drejta e tyre sipas Traktatit të Montego Bay”. “Nuk e di se çfarë do të thotë Haga”, tha Berisha nw njw intervistë për Euroactiv. 

I pyetur për natyrën e marrëdhënieve midis Shqipërisë dhe Greqisë dhe Shqipërisë e Turqisë, Berisha tha se Athina është një partner i ngushtë.

“Partnerët tanë, Greqia kanë qenë shumë ndihmuese për Shqipërinë. Ata mbështetën rrugën drejt NATO-s dhe Evropës dhe patën investime serioze në vend”.

Sa i përket Turqisë, ndërkohë që Berisha e konsideron partnere, po ka rezerva.

"Turqia është pa dyshim një mik, një partner, por me një doktrinë të neo-otomanizmit që unë nuk do ta pranoj," tha ai.

Në vitin 2009, Tirana dhe Athina ranë dakord për përcaktimin e zonave të tyre detare dhe shelfit kontinental, pavarësisht vështirësive të hasura në negociatat mes dy palëve. Marrëveshja, e ndërmjetësuar nga Partia Demokratike e Berishës, parashikonte që rreth 225 kilometra katrorë të ujërave territoriale shqiptare t’i jepeshin Athinës.

Kryeministri grek Kostas Karamanlis zhvilloi një vizitë zyrtare në Tiranë në prill 2009, i shoqëruar nga ministrja e Jashtme Dora Bakojanis, e cila nënshkroi marrëveshjen e delimitimit me homologun shqiptar Lulzim Basha, në prani të kryeministrit të atëhershëm, Sali Berisha.

Ishte marrëveshja më e rëndësishme e nënshkruar mes dy vendeve që nga nënshkrimi i Paktit të Miqësisë në vitin 1996 dhe ndërsa “boja ishte ende e lagur në marrëveshje”, Tirana aplikoi zyrtarisht për anëtarësim në BE me mbështetjen e Greqisë.

Gjykata e shpalli njëzëri të pavlefshme marrëveshjen, duke përmendur shkelje procedurale dhe thelbësore në kundërshtim me Kushtetutën dhe Ligjin e Detit. Deri më sot, nuk është bërë asnjë përparim në nënshkrimin e paktit, megjithëse kryeministrat e dy vendeve u takuan në Tiranë më 7 dhjetor 2022, në Samitin BE-Ballkani Perëndimor.

B.K./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mario: 21/12/2022 16:18

    Nuk nderhyri Turqia, por Amerika sipas kabllogrameve. Mos u mundo te genjesh. Ishte Amerika ajo qe e ndaloi dhe i tha Rames ta conte ne Gjykaten Kushtetuese.

    Përgjigju
  • aldi: 21/12/2022 11:06

    e ke gabim sali,,,mareveshja ishte e keqe,,,na demtonte,,,,ik sali nuk je ti me per politike,,,leri te rinjte aty ne pd te merren me politike....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24