Berisha: NATO të ndërhyjë në
Siri të ndalë diktarorin Assad

TIRANE- Kryeministri Berisha bën thirrje për ndërhyrje ndërkombëtare ushtarake në Sirinë e përfshirë që prej marsit të kaluar në luftë civile. Nisur dhe nga sulmi sirian në territorin turk, Berisha kujtoi ndërhyrjen e NATO-s në Kosovë, Irak dhe në Libi të cilat nëse nuk do të ndodheshin masakrat nuk do të ndaleshin. Deklarata u bë sot para Asamblesë Parlamentare të OSBE-së që e cila po zhvillon sesionin e vjeshtës në Tiranë.

“Diktatori sirian fatkeqësisht nuk ka marrë përgjigjen e merituar. Nëse NATO nuk do të ndërhynte në Ballkan kasapi i Ballkanit do të grinte mbi 1 milionë shqiptarë. Nëse Sadami nuk do të përmbysej, sërish në pushtet do të ishte ai ose i biri. Nëse libianët nuk do të ndihmoheshin Gedafi do ishte në pushtet. Është e domodsohme që ky popull të ndjejë fuqinë e kombeve të lira. Nëse rrinë duke soditur Sadami iu ri do të vazhdojë kasaphanën. Të bëhet gjithçka dhe kjo asamble të bëhet promoter i ndërhyrjes së fuqishme për t’i dhënë fund gjakderdhjes që po ndodh në Siri. Të ndihmojmë Turqinë e Jordaninë që po përballen me një numër të madh refugjatësh”- tha Berisha duke shprehur gadishmërinë e qeverisë për të dhënë kontributin e saj modest në këtë situatë.
Në këtë sesion ishin të pranishëm dhe presidenti i Asamblesë Parlamentare të OSBE-së Ricardo Migliori, sekretari i Asamblesë Lamberto Zannier si dhe mbi 200 pjesëmarrës nga 56 vende anëtare të OSBE-së.
(sg/shqiptarja.com)

TAG:
• OSBE