POP 5

Lajmet më të lexuara të 5 minutave të fundit

Politikë

Lajme nga emisionet

Berisha në SPAK me militantë, Martin Leka: Presion i hapur ndaj organeve të drejtësisë! Alarm për shoqërinë shqiptare! Shumë deputetë të PD nuk janë dakord me të

Analisti Martin Leka foli në Report Tv mbi paraqitjen e Sali Berishës ditën e sotme në SPAK në zbatim të masës detyrim paraqitje. 

TIRANË - Analisti Martin Leka foli në Report Tv mbi paraqitjen e Sali Berishës ditën e sotme në SPAK në zbatim të masës detyrim paraqitje. Berisha u shoqërua te dera e Prokurorisë së Posaçme nga militantët e Partisë Demokratike.

Leka thotë për Nertil Agalliun në ‘Sot Live në Shqipëri’ se manifestime të tilla janë presione ndaj SPAK dhe nuk i bëjnë nder askujt, teksa ish-kryeministri nuk kurseu dhe akuzat para SPAK ndaj prokurorëve dhe Dumanit.

'Presion i hapur, nuk i bën nder personit të hetuar. Alarm për shoqërinë shqiptare që ndodhet në një gjendje me plot shpresë se kultura e pandëshkueshmërisë e politikanëve të lartë ka marrë fund. Është një presion i hapur në kuadër të fushatës elektorale, nuk ka të ardhme. Sa më shpejt të marrin fund presionet ndaj organeve të drejtësisë. Në këtë rast, nëse marrim shembull PD i bie që të njëjtën shembull të bëjë PS, me 61 zyrtarët e vetë të akuzuar në burg, të arrestuar apo në hetim. Ashtu siç bëri dhe PL me kryetarin në burg. I bie që ku jemi asgjëkundi.'

Më tej Leka shton se ka shumë deputetë brenda PD-së që janë kundër kësaj qasjeje të Berishës dhe nuk e mbështesin atë në sulme të tilla ndaj SPAK. Kjo u pa sot ku mungonin në protestë shumë prej deputetëve të PD-së.

'Ka shumë deputetët nga radhët e PD që nuk janë dakord me qasjen e liderit Berisha. Ka dhe shumë deputetë që nuk e thonë publikisht. Ajo është një parti i Sali Berishës. Të gjithë këta deputetë druhen dhe janë të kujdesshëm se listat e mbyllura bëjnë atë që deputetë e PD-së të gjithë, do të jetën nga lista e kryetarit Berisha. Kjo është çështja. Janë thjesht në kuadrin e kësaj suaze. Mundohen të jenë të preferuarit për të qenë në listat e kandidatëve për deputet. Pas zgjedhjeve mund të kemi zëra kundër. Mendoj se është e vërtetë kjo. Mos-shkuarja e tyre është në këtë kuadër.'

Sa i përket krahasimit me Donald Trump dhe proceseve gjyqësore ndaj tij në SHBA, analisti thotë se nuk ka asnjë lidhje mes dy rasteve. Kjo pasi Berisha njihet si politikani i kulturës së dhunës, që para 30 vjetëve.

'Nuk është për asnjë paralelizëm. Mund të kenë ngjashmëri në kulturën e shfaqjes publike. Por kultura e Berishës është kultura e dhunës në shumë raste. Dhe protestat në SPAK, deklarata e Berishës me akuza nga më monstruoze ndaj Dumanit, janë të gjitha në kuadrin e kulturës së dhunës, që ushtron kryetari i PD-së, Berisha. E ka patur këtë kulturë, e ka ushqyer në të gjithë mitingjet. Është në këtë vazhdë dhe qasje. Mendoj se pas 34 vjetësh demokraci kultura politike duhet të ndryshoj. Mendoj se SPAK do ndryshoj edhe kulturën e individëve në politikë. SPAK do pastrojë politikën shqiptare nga vjetërsirat politike.'  

Së fundmi, Leka pati dhe një koment për lëvizjen e socialistëve që çuan Eduard Shalsin si drejtuesi politik në Kukës dhe sollën Pandeli Majkon në Tiranë.

'Majko është një figurë e pastër politike, e pranueshme për socialistët. Mendoj se shkuarja në qark e zotit Shalsi i jep një tjetër lloj energjie qarkut dhe PS vetë, mund të ketë rezultate më shumë se sa zoti Majko. Mendoj se është zgjedhje e mirë, por duhet parë në vota. Qarku Kukës ka vetëm 3 deputetët, i rëndësishëm për PS.'

G.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të botës së narkotikëve

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të botës së narkotikëve

7 Janar, 23:01