Është disi e paqartë edhe me parashikimet shumë optimiste të kuptosh sesi do të jetë vazhda e Partisë Demokratike, por një gjë kuptohet qartë se, ky formacion nuk do të dalë më i fortë se më parë. Këtë e kupton nga përçarja e madhe që shoqëron strukturat e veta por më shumë nga ajo që po shpreh zoti Berisha. Ai paradoksalisht i kërkon falje të përndjekurve (!) dhe u premton vëmendje, të cilët në fakt vazhdojnë e po u plotësohen këstet nga Socialistët; pronarëve (!), që me 7501 pothuaj i zhveshi dhe i dërrmoi; dhe të gjithëve bashkë për Bashën, krijesën e tij për të cilin i është thënë e stërthënë të mos heshte. Në Shkodër bëri dhe një hap më tutje, kur tregoi se kishte të regjistruar bisedat me të. Për çudi e ndjekin disa njerëz që nuk ndajnë dot retorikën e tij, qëllimin e vërtetë të Foltores përballë SHBA-së por më shumë se çfarë do të sjellë e gjitha kjo lëvizje për PD-në.
Të gjithë këtë tollovi, kryetari aktual Basha e ndjek fare qetë për të mos i thënë në zakonin e tij politik për të mos folur në kohën dhe në vendin e duhur. Përmes urdhrave të brendshëm, ai po mundohet ta menaxhojë një situatë që po i del nga dora dhe ku duket se Demokratët më kokëftohtë po presin ende të shprehen se çfarë do të bëjnë. I vetmi aleat i momentit janë fjalët pa bosht të z.Berisha dhe mbi të gjitha Mea Culpa-t për atin politik, tashmë të stërkaluara.
Më i trishtë fakti se ishte kjo parti, që megjithëse iu tha, këshillua dhe sugjerua të mos nxitohej, rendi të bënte Kuvendin e partisë dhe madje të votonte statutin e përgatitur nga Basha. Më kot këtij të fundit tashmë po i vinë sulmet nga të gjithë anët. Një gjë kuptohet lehtë, Basha do të dalë sërish i palagur thjesht duke mos bërë asgjë. Në një farë mënyre, kjo frymë e PD-së do bjerret nga vetë PD-ja, që tashmë po lind lëvizje brenda dhe shumë ndarje, ku të gjitha janë kundër të gjithave dhe duan të përfitojnë nga z.Berisha.
Nga ana tjetër, këto lëvizje dhe artikulimet shumë ambigue, sa i përket problematikës Berisha-SHBA të shumë zyrtarëve të PD-së, lenë të kuptojnë se në thelb u intereson kjo përplasje për të hapur mundësitë e tyre drejt kreut duke shfrytëzuar infrastrukturën humane dhe logjistike të PD-së. E frikshme është se ende shumëçka është në dorë të ish-kryetarit, Berisha, që tashmë nga lëvizja e tij, e titulluar “Foltorja” po e shtyn përçarjen e këtij formacioni deri në absurd. Pak orë më parë në Shkodër, Berisha arriti t’i ndryshonte, sikur të mos ishte asgjë, edhe krahun ideologjik partisë duke kaluar nga e Djathta e Qendrës në Konservatore (!). Rezultati, ndarja e bazës në tifozë të Berishës dhe në mbrojtës të Bashës, duke dhënë një paraqitje shumë të keqe edhe sa i përket qëndrimit ndaj SHBA-së që sipas tyre mbetet aleati i madh i vendit tonë dhe PD-së, por që në rastin e Berishës…gaboi!!! E trishtë edhe për njerëzit që e ndjekin dhe që shpejt do t’u duhet të tregojnë realisht përkatësinë e tyre pro Berishës apo SHBA-së. Mënyra sesi duan t’i martojnë dy qëndrimet, në jo pak raste, tregon nivel të frikshëm etiko-politik. Një grup paradoksesh që i shtohet apatia patologjike e z.Basha, i cili po mundohet ta sfumojë lëvizjen Berisha thjesht me gafat dhe dobësinë që po tregon udhës vetë ish-kryetari, i cili ka kohë pa mungesë vizioni dhe mbi të gjitha mungesë nuhatje politike. Të paktën në rastin e z.Basha, nuk e mohon tashmë dhe vet. Nga ana tjetër, ashtu si nuk ka zhgënjyer edhe në të gjitha rastet e tjera, Basha po tregon se nuk mund të jetë më kryetari moral i Partisë Demokratike.
Zgjidhja duket dhe mbetet një dhe vetëm një: Mbledhja sërish e Kuvendit dhe hapja e një gare platformash e individëve të ndryshëm, duke shmangur jo thjesht moralisht por edhe fizikisht shkaktarët e vërtetë të humbjes së Demokratëve, Bashën dhe Berishën. Sa më shpejt ta kuptojnë aq më i lehtë do të jetë rikuperimi, por gjasat janë shumë të pakta, në një parti kaq kaotike sa Partia Demokratike në këto momente, që duket se do mbetet sërish në dorë të kryetarit aktual Basha dhe e zbehur nga një luftë më shumë klanore se parimore.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
kjo eshte e vertete, te dy nuk duhen me!!!
PërgjigjuPD, ose me konkretisht lidershipi i gjerë i saj, në qendër dhe në bazë, i ngjan një "kënete" ku gëlojnë gjithfare reptilësh, shumë prej tyre të rrezikshëm si nepërka e gjarpërinj. Kjo kënetë e krijuar për 30 vjet nga Berisha, i cili duke e pastruar liqenin e fillimit, duke e drenazhuar atë, la brenda tij llumin apo baltovinën e cila sot qelbet me lulët e mulët, dumat e salianjët,palokët dhe marokët. Lista ëdhtë tmerrësisht e gjatë. PD nuk ke më nga ta kapësh. Cili mund të na tregojë me gisht se X apo Y brenda saj ndjell shpresë? Asnjë për be! Ndaj fundi i saj tashmë dihet. Shkrirje dhe ribërje. Ashtu si e bëri në vitin 1991 PS, kur i dha munxët enverizmit dhe gjithë nomenklaturës që e mbante në këmbë. Nxorri në pah zëra të moderuar, të cilët e panë se me PPSh, humbisnin të gjithë. Duke ruajtur bazën nxorrën në krye figura pothuajse të panjohur deri atëhere, por që ishin dikushi në fushat e veprimtarisë së tyre profesionale. Por edhe ajo nuk u rritën me lehtësi. Patën brenda saj grindje e shizma, por e ruajtën bazën duke qarkulluar elitat. Dhe mos harrojmë mbijetuan në kushtet kur përballë patën një Berishë që nuk njihte skrupuj, sa dhe kryetarin ua futi në burg.Por në fund me Ramën ia dolën. Bënë atë që as më optimisti ndër ta nuk e kish ëndërruar.Tre mandate rrjesht.Ndërkohë me këtë lidership që ka PD sot ka rrezik, nëse nuk ndodh çudia brenda saj, të fitojë dhe një të katërt.PD për fat të keq të demokracisë në vend, është në pikiatë. Demokraci pa opozitë as mund të imagjinohet. Se ku do ndalojë ajo, një zot e di. Nuk ka derman as me largimin (sikur) të Berishës dhe Bashës.