POP 5

Lajmet më të lexuara të 5 minutave të fundit

Arkiva

Berisha: Nuk njoh rezultatin
pa rinumërim të çdo vote

Kryeministri në detyrë kërkon rinumërimin e çdo vote duke nënvizuar se PD nuk do të njohë asnjë rezultat të zgjedhjeve dhe pushtet të dalë nga votimet pa u bërë më parë transparenca. "Rama s'do të gëzojë kurrë një pushtet të dalë nga falsifikimi dhe manipulimi i votës."
VIDEO/ Deklaratat kontradiktore të kryeministrit në ikje
Berisha: Nuk njoh rezultatin<br />pa rinumërim të çdo vote
 TIRANE-  Kryeministri në detyrë Sali Berisha kërkon rinumërimin e çdo vote duke nënvizuar se Partia Demokratike nuk do të njohë asnjë rezultat të zgjedhjeve dhe pushtet të dalë nga votimet e 23 qershorit pa u bërë më parë transparenca.

Pas votimit për kreun e PD-së Berisha foli para gazetarëve duke përcjellë mesazhin se kjo është një ditë historike për PD por dhe për t'i përcjellë mesazhin kundërshtarit politik Edi Rama, i cili pret të marrë detyrën e kryeministrit në shtator, se nuk do ta njohë si të tillë pa u bërë transparenca.
"Ai nuk mund të jetë kurrë Kryeministër që me një thes votash të vjedhura të përfaqësojë Shqipërinë, në Shqipëri, në Evropë dhe në botë."- tha Berisha.

FJALA E PLOTE E SALI BERISHES PASI DOLI NGA SELIA PD   
"Por, jam këtu gjithashtu sot për t'i thënë Z.Edi Rama në mënyrën më të prerë dhe më të hapur.
Mos bëj gabimin fatal për të bllokuar numërimin e votave!
Sali Berisha ka njohur rezultatin siç u shpall fillimisht. Sali Berisha do të njohë çdo rezultat që del nga numërimi i ndershëm i votave. Ta dijë mirë se nuk do të gëzojë kurrë një pushtet të dalë nga falsifikimi dhe mashtrimi i votës. Ai nuk mund të jetë kurrë Kryeministër që me një thes votash të vjedhura të përfaqësojë Shqipërinë, në Shqipëri, në Evropë dhe në botë.
Thirrja është një dhe vetëm një, të numërohet çdo votë dhe unë absolutisht të respektoj njëlloj si atë që është pro dhe ajo që është kundër. Dhe unë e faktova këtë me qëndrimin tim dhe besoj se bëra atë që kërkonte vendi im.
Por vendi im kërkon, qytetarët e mi kërkojnë që çdo fletë votimi të rinumërohet dhe asgjë të mos qëndrojë mbi krimin, drogën dhe kartelin e saj.
Ajo që ne pamë në 14 qendrat e Lezhës është fytyra më e shëmtuar në zgjedhjet e 23 viteve të fundit.
Ka qenë “Dushku”, por “Dushku” ishte një teknikalitet amoral, kurse kjo është një vjedhje manuale me duar të pista, me pare të pista,me qytë revolveri dhe me të gjitha mjetet.
Është në interesin më të mirë të Kryeministrit të ardhshëm, është në interesin më të mirë të çdo qytetari që të bëjnë këtë transparencë për ndryshe.
Partia Demokratike nuk do të njohë kurrë pushtet të dalë nga vota e vjedhur.

Pyetja e gazetarit: Ka pasur komisionerë të PD-së të cilët kanë qenë gjatë procesit të administrimin të zgjedhjeve…
Berisha: Atëherë, e di ç’më thoni me këtë pyetje, më thoni “Të vjedhim bashkërisht”. Midis atij që vjedh dhe asiston, më i lig është ai që asiston dhe nuk ka diskutim, ligji do të veprojë. Por, ai që kërkon të bllokojë dhe të maskojë vjedhësin dhe asistentin ai del dy herë i pafytyrë. Ndaj dhe unë kërkoj të mos provokohet Partia Demokratike. Kërkoj që mbi bazën e fakteve të gjetura të vazhdojë rinumërimi, të jetë vetë z. Rama i cili ka bërtitur shesheve të Shqipërisë, vite më radhë, hap kutitë jashtë të gjitha afateve. Këto janë të gjitha në afat dhe tani rend në Gjykatë për ta bllokuar rinumërimin.
Rend në Gjykatë, shikojeni. Rend në Gjykatë se e di që thesi i votave të vjedhura do të shndërrohet në mullarin e votave të vjedhura.
Unë i them të vë interesin e vendit të parin. Unë e vura, unë njoha rezultatin e zgjedhjeve të paçertifikuara nga KQZ-ja dhe mirë bëra sepse ai ishte interesi i vendit. Z. Rama mos blloko se të garantoj se nuk ke potenciale për të mbajtur pushtetin të dalë nga krimi, mashtrimi dhe droga.

Pyetja e gazetarit : Po kjo gjë ka ndodhur vetëm në këto dy qarqe z. Berisha apo në të gjithë Shqipërinë?
Berisha: Kjo gjë ka ndodhur në disa zona, por nuk mund të them se ndodhi në Mirditë. Kur ju e patë se votat dolën një më një siç ishin, me një gabim njerëzor. Një gjë jam krenar, se në asnjë nga ato rrethana nuk janë vota të vjedhura nga Partia Demokratike sepse PD ka një instruksion të qartë për respektimin e votës. Kanë çeduar komisionerë të saj, janë blerë apo nga frika e terrori, do të hetohet nga prokuroria. Por ajo që del, një njeri që pretendon të jetë nesër kryeministër i vendit dhe vrapon në Gjykatë për të bllokuar numërimin e votave nga frika se si i bëhet mullar e garantoj që bën një gabim fatal për vete dhe për partinë e tij dhe në tërësi.

Pyetja e gazetarit: Z. Berisha nëse Rama arrin ta provojë këtë gjë ju s’do njihni të gjithë rezultatin.
Berisha: Absolutisht, asnjë rezultat, asnjë pushtet të dalë nga këto votime. Ne kërkojmë tani transparencën, kaq. Ne kemi pranuar rezultatin apriori. Shikoni, qëndrimi ynë, pa certifikim nga KQZ-ja, pa certifikim nga Gjykatat. Ne pranuam. Kjo është kultura jonë demokratike, por pastaj nëse dikush do diktat, mendon të na diktojë me pushtetin e mashtrimit dhe të votës së vjedhur ne do të përdorim të gjitha mjetet, për ti dalë zot votës së qytetarit. E vërteta është, për të mos pasur frikë, për të nxjerrë para qytetarëve të vërtetën."

Edhe dje Berisha nëpërmjet një postimi në facebook deklaroi se nuk do të njihte pushtetin e dalë nga votat e vjedhura.

Redaksia online
(mag/sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça