Sali Berisha ka dalë kundër Gazment Bardhit për reformën territoriale. Ndryshe nga sa Bardhi tha një ditë më parë se PD nuk e kishte bojkotuar komisionin, Berisha deklaroj këtë të premte se nuk do të ketë asnjë bashkëpunim me PS-në, për sa kohë ajo vijon të bllokojë drejtësinë për çështjen “Balluku”.

“Bllokimit që i bëjnë drejtësisë dhe mbrojtja që i bëjnë vjedhjeve miliardëshe të Edi Ramës dhe Lubi Ballukut, bëjnë të pamundur çdo formë bashkëpunimi me mandatet e krimit të kësaj mazhorance”, tha Berisha.

Pasi kreu i PD konfirmoi bojkotin, Kuvendi futi në rendin e ditës në seancën e së martës ndryshimin e përbërjes së Komisionit për Reformën Territoriale, ku opozitës i hiqet barazia e numrave dhe bashkë-kryesimi.

Në konferencën për mediat Berisha komentoi edhe deklaratën e raportuesit për Shqipërinë në Parlamentin Europian Andreas Schieder, i cili u shpreh se protestat me molotovë nuk janë zgjidhje.

“Shqiptarët prisnin prej tij dhe presin jo vetëm prej tij, por presin nga Brukseli, kërkesën për të mbrojtur standardin Europian, i cili standard edhe 12-13 vite më parë në këtë vend, detyronte ministrat për koincidentë dhe zv/kryeministrin që kërkohej nga prokuroria imuniteti, të dorëzonin imunitetin, para se të votonte parlamentin.Zoti Schider, për fat të keq as edhe përfaqësuesi i BE-së, ambasadori Gonzato, madje Gonzato pak më thellë se zoti Schider, nuk e kërkuan këtë”, tha Berisha.

Kryedemokrati njoftoi edhe protestën kombëtare të radhës, më 10 shkurt.