ELBASAN - Studentet e aksidentuara në tragjedinë e Himarës kanë "qarë hallet" sot në një takim të drejtpërdrejtë me vetë kryeministrin, Sali Berishës. Ato kanë përfituar nga vizita dhe takimi i Berishës me studentët e universitetit "Aleksandër Xhuvani"  të Elbasanit dhe i kanë kërkuar ndihmë për siguracionet e tyre të pamarra nga kompania e sigurimeve përkatëse.

Ato nuk kanë harruar të falenderojnë kryeministrin për mbështetjen gjatë asaj dite dhe në spital, por kanë kërkuar "mbështetje ligjore ndaj kësaj kompanie". Berisha është përgjigjur me: "Kam ndjekur me vëmendje gjithë kërkesat tuaja. Specialistët më të mirë të administratës janë ngarkuar të shqyrtojnë ato. Është një marrëdhënie mes të sigurarave dhe kompanisë. Por do bëjmë gjithçka, që ligji të zbatohet. Për këtë ju garantoj”.

Redaksia Online
(ma/shqiptarja.com)