POP 5

Lajmet më të lexuara të 5 minutave të fundit

Politikë

Berisha: Rama, falje infermierëve
Spitalet s'janë shtëpi publike

Kryeministri Berisha, gjatë mbledhjes së sotme së Qeverisë, i ka kërkuar kryetarit të PS-së, Edi Rama, të kërkojë falje për fyerjen që iu ka bërë infermierëve nga Korça: "I kërkoj në mënyrë të vendosur Ramës të kërkojë publikisht të falur".
Deklarata e Ramës në Korçë ose furtuna në një gotë uji
Berisha: Rama, falje infermierëve<br />Spitalet s'janë shtëpi publike
TIRANE - Kryeministri Berisha, gjatë mbledhjes së sotme së Qeverisë, ndër të tjera, i ka kërkuar kryetarit të PS-së, Edi Rama, të kërkojë falje për fyerjen që iu ka bërë infermierëve nga Korça:

"“Kam edhe një çështje me rëndësi që më detyron fakti i të qënit mjek ta them", - tha Berisha.- "Dua ti kërkoj z.Rama ta tërheqë fjalën shumë pa mend që ka thënë për infermierët. Dua të shprehem këtu se që në ditët e para të punës sime, student dhe më vonë, unë jam frymëzuar nga përkushtimi i detyrës së tyre. Mjeku nuk e ka të lehtë detyrën, por më të vështirë e ka infermierja. I kërkoj në mënyrë të vendosur Ramës të kërkojë publikisht të falur, së pari për kontributin e jashtëzakonshëm që ato japin, së dyti, ato janë vajza, gra, motra.

Nuk kisha dëgjuar kurrë ndonjëherë që spitalet të duken shtëpi publike; nëse e thua këtë, ke rënë në Shqipërinë e gënjeshtër që thua ti. Spitalet kanë të metat e tyre, por në ato spitale bëhet një punë ndër më shkëlqyerat për të shpëtuar jetë”.

Në vazhdim, Kryeministri ka shpjeguar vendimet e rëndësishme që Qeveria do të merrte në mbledhjen e ditës së sotme duke filluar me përgjysmimin e taksës së makinave të përdorura.

BERISHA: DO TE PERGJYSMOJME TAKSEN E MAKINAVE TE PERDORURA

"Taksa e makinave të përdorura do të përgjysmohet. Koeficinëtët  e deritanishëm të kësaj takse do të pjestohen për dy". Kështu ka deklaruar sot në mbledhjen e Këshillit të Ministrave, Kryeministri Berisha duke sqaruar se ndotja e mjedisit shkaktohet nga karburantet.

MINISTRIT RULIT I KERKOHET TE  ZGJIDHE PROBLEMET E FERMEREVE TE LUSHNJES

"Një çështje më vete sot do të jenë problemet e fermerëve të Lushnjes, që dëgjuam dje," - tha më tej Kryeministri.-"Duhet të kemi parasysh se ata kanë nevojë t'i bashkojnë tokat dhe t'i regjistrojnë pa burokracira. Kjo duhet të zgjidhet menjëherë". 

"DO TE RRISIM PAGAT E GJYQTAREVE DHE PROKUROREVE, JANE NE VENDNUMERO"

Lidhur me rritjen e pagave të gjyqtarëve, Berisha tha se "meqë ato të përcaktuara si përqindje e rrogës së gjyqtarëve të Gjykatës së Lartë dhe të ministrave, ato mbeten në vendnumëro ose u rritën me 2% ose nuk u rritën fare. Kjo nuk ka qënë pozitive dhe ministri i Drejtësisë ka sjellë një ligj që i ka dhënë përgjigjen e duhur këtij problemi deri diku, sepse nuk përfshin prokurorët".

SE SHPEJTI, NJE VENDIM EDHE STATUSIN E ARTISTEVE

Kreu i Qeverisë i kërkoi ministrit të Kulturës, z.Bumçi, që të sjellë për diskutim edhe ligjin për statusin e artistëve, që t’i japet zgjidhje sa më shpejt, problemeve të krijuara.


LIGJET TE TJERA NE DISKUTIM, KONCENSIONET E HIDROCENTRALEVE DHE PARTNERITETI PUBLIK-PRIVAT

"Këto janë ligjet më të rëndësishme që miratohen sot", - tha Berisha në përfundim - "Krahas tyre janë dhe një sëri të tjerash, për HEC-et, pasi vazhdon e etshme gara e koncensioneve. Qeveria ka hartuar dhe ka gati një ligj të ri për partneritetin publik privat, që po e diskuton me biznesin dhe do organizojë një mbledhje "taskforce", do të punojë paralelisht që propozimet e saj të pasqyrohen në komisionin parlamentar".

Redaksia online
(ar.sh/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

I mërzitur dhe me prerje në fytyrë e kokë, habit Guardiola: Doja të lëndoja veten

I mërzitur dhe me prerje në fytyrë e kokë, habit Guardiola: Doja të lëndoja veten

27 Nëntor, 09:28