Berisha: Rama mori peng Bashën me afera korruptive! Lul Brava i përfshirë në aferën e Portit të Durrësit! Selia e PD do shndërrohet në 4 kulla hajdutësh

 Ish-kryeministri Sali Berisha, deklaroi nga Vau i Dejës se Edi Rama, me një urrejtje ndaj demokracisë, mori peng Lulzim Bashën me afera korruptive ndërsa theksoi se në tokën ku sot ndodhet selia e PD, është parashikuar të shndërrohet në një vend me katër kulla, ku do të marrë pjesë dhe Lulzim Basha. Sakaq, Berisha theksoi se Basha është i përfshirë në aferën korruptive të Portit të Durrësit.

"Edi Rama arriti ta marrë peng me afera korruptive Lulzim Bashën. 800 mijë metra katror në Portin e Durrësit. Afera e shekullit, ja dhanë gjoja një arabi i cili në një aspekt është biznesmen i madh shumë, por në aspektin tjetër, po kaq i madh si mashtrues.  Ai ka marrë buzën e Savës në Beograd, për të investuar 4 miliardë euro, por deri tani pas 10 vitesh ka investuar 24 mln euro. Portin e Durrësit e ka marrë Edi Rama dhe Lulzim Brava. E rezulton se përfaqësues i Emar në Shqipëri, është menaxheri i kompanisë së i Lulzim Bravës. Ju e patë se çfarë bëri me selitë. Se në çmënyrë armiqësore u soll ai me demokratët që e kanë ndjekur 8 vite. Selia e PD është parashikuar të shndërrohet në kullat e parkut  të katër hajdutëve. Do ndërtohen katër kulla, gjejeni se sa ka marrë për vete Lulzim Brava."-tha Berisha.

LEXO EDHE:
"Logjikën tënde e ka një fëmijë kopshti", Pjerin Ndreu nervozohet me këshilltaren e PD-së, që e akuzoi për tenderat: Shko në SPAK!

Lajmi kryesor:

Berisha: Po nxjerr kandidatë kundër meje për hir të Ramës, Lul Brava i përfshirë në aferën e Portit të Durrësit! Në selinë blu do ndërtohen 4 kulla! Pse Yuri Kim nuk thotë asnjë fjalë kundër qeverisë

TAG:
• fshf
• zgjedhjet 6 mars 2022
• PD
• perplasja berisha basha
• lulzim basha
• sali berisha
• Shkoder