POP 5

Lajmet më të lexuara të 5 minutave të fundit

Politikë

Berisha: Rrethimi i pallatit, akt
banditesk shtetëror i pashembullt

Ish-kryeministri Sali Berisha ka reaguar për bllokimin e pallatit në Vlorë. Në faqen e tij në rrjetin social “Facebook”, Berisha e ka cilësuar “akt banditesk shtetëror të pashembullt në Europën e sotme”, vendimin për shembjen e këtij pallati.
Berisha: Rrethimi i pallatit, akt<br />banditesk shtetëror i pashembullt
TIRANE- Ish-kryeministri Sali Berisha ka reaguar për bllokimin e pallatit në Vlorë. Në faqen e tij në rrjetin social “Facebook”, Berisha e ka cilësuar “akt banditesk shtetëror të pashembullt në Europën e sotme”, vendimin për shembjen e këtij pallati.

“Antiligji kundër ligjit, fytyra e vërtetë e shtetit policor të Edi Ramës. Të dashur miq, një akt banditesk shtetëror i pashembullt në Europën e sotme po zhvillohet para kamerave televizive në Vlorë. Me urdhër të Edi Ramës, Policia në kundërshtim me Kushtetutën dhe ligjet e vendit, si një bandë socialiste, prej më shumë se 24 orësh ka rrethuar me shiritin e zonës së krimit një pallat në qytetin e Vlorës. Ajo nuk lejon banorët e pallatit të hyjnë në apartamentet e tyre ku banojnë dhe që i kanë të blera e hipotekuara në përputhje me të gjitha ligjet e vendit”, shkruan Berisha.

Sipas ish-kryeministrit, pallati është ndërtuar me leje dhe konform rregullave të shtetit, ndërsa shyon se “bllokimi i tij shkaktohet pasi në të ka qenë investitor vjehrri i Lulzim Bashës”.

“Pallati është ndërtuar me leje, në pronë private, me kredi bankare dhe është hipotekuar konform regullave të shtetit. Krimi i vetëm i pallatit është se njëri nga investitorët e tij ka qenë vjehrri i kryetarit të PD, kundërshtarit të Edi Ramës, të cilin ky i fundit e urren për vdekje. Ndaj dhe dënon kolektivisht të gjithë banorët e pallatit”, vijoi ish-kryeministri.
Berisha në reagimin e tij thotë se ky është një veprim në kundërshtim me Kushtetutën dhe Konventën Europiane të të Drejtave të Njeriut.

 “Kjo që ndodh me qytetarët e pallatit të rrethuar me shiritin e zonës së krimit dhe moslejimi i banorëve për të hyrë në shtëpitë ku banojën është dëshmi falgrante e shtetit policor të Edi Ramës, është kushtrim i vërtetë për çdo qytetar për t’u ngritur ndaj akteve shtetërore banditeske me të cilat Edi Rama me urrejtjen e tij të papërmbajtur dhunon Kushtetutën e vendit, Konventën Europiane të të Drejtave të Njeriut, përdor antiligjin për të shkatërruar ligjin”, e përfundon Berisha regimin e tij.

berisha per pallatin e bashes

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Spahiu thirrje: Rama dhe Kurti të fillojnë bashkimin e Shqipëri-Kosovë në një shtet kombëtar

Spahiu thirrje: Rama dhe Kurti të fillojnë bashkimin e Shqipëri-Kosovë në një shtet kombëtar

28 Nëntor, 21:16