Loja e Berishës! Refuzon gjykatën, por ankimon masën e sigurisë! Vendimi i zbardhur i shkon me postë

Në një kohë që nuk njeh dhe as nuk zbaton vendimin e GJKKO për t’u paraqitur fizikisht të hënën e parë dhe të hënën e tretë të muajit para oficeres së policisë gjyqësore në SPAK për aferën Partizani, Rithemlimi mbron Sali Berishën dhe vijon të sulmojë gjyqtaren Irena Gjoka e cila konfirmoi masat e sigurisë.

“Prej disa javësh gjyqtarja Irena Gjoka mban pezull vëmendjen publike me disa qëndrime që nuk i bëjnë nder gjyqësorit dhe as figurës së gjyqtarit. E denoncuar nga avokati Genc Gjokutaj dhe të tjerë se është shkarkuar nga ish Presidenti Sali Berisha në vitin 1996 kur mbante detyrën Kryetarit të Këshillit te Lartë të Drejtësisë, ajo hesht si fija e barit.  Opinioni publik kërkon të informohet mbi këtë fakt dhe mbi të gjitha, nëse kjo e vendos gjyqtaren Gjoka në pamundësinë për të drejtuar procesin ndaj Kryetarit të opozitës shqiptare, për shkak të konfliktit të interesit.

Pse nuk u tërhoq ajo qe ne fillim kur mbrojtja e z.Berisha ia dha këtë mundësi? Firmosur nga ish Kryetari i KLD-së , fshehja e vendimit të shkarkimit për arsye korrupsioni nga gjyqtarja Gjoka dhe marrja përsipër e gjykimit ndaj Kryetarit të opozitës, e vendosin atë qartazi në pozitat e konfliktit të interesit. Një konflikt interesi i cili dëshmon karakterin politik të këtij gjyqi dhe që nxjerr në pah arsyet e vërteta pas vendimmarrjeve antikushtetuese  e antiligjore të gjyqtares Gjoka”, thuhet në njoftimin për shtyp të Rithemelimit.

Teksa Gjykata e Posaçme thotë publikisht se njoftimi i dërguar në adresën e shtëpisë së Berishës, u kthye me nënshkrimin “Refuzuar”, ish kryeministri si duket po sulmon dhe po i bën presione gjyqtares.

Aot në iorën 15:50, avokatët e Sali Berishës kanë dorëzuar ankimimin e plotë në Apelin e Gjykatës së Posaçme kundër masës “detyrim paraqitje” të caktuar për aferën e privatizimit të ish-kompleksit ‘Partizani’.

Gjykata e Posaçme ka njoftuar me postë Sali Berishën pranë selisë së PD-së, adresës së shtëpisë dhe pranë Kuvendit, por ka marrë një përgjigje me nënshkrimin refuzuar.

‘Gjykata e Posaçme e Shkallës së Parë për Korrupsionin dhe Krimin e Organizuar ka dërguar nëpërmjet shërbimit postar dëftesat e komunikimit për njoftimin e personit nën hetim z. S. B. pranë selisë së PD-së dhe në adresën e shtëpisë, pranë Kuvendit të Shqipërisë. Njoftimi është kthyer me nënshkrimin ‘Refuzuar’. Gjithashtu u dërguan dëftesat e komunikimit edhe avokatëve mbrojtës, përfaqësues të tij me prokurë të posaçme.’- njofton Gjykata.

\

Avokatët e Jamarbër Malltezit dorëzuan sot në Gjykatën e Posaçme të Apelit shtesën e ankimimit për revokimin e masës së sigurisë.

Gjithashtu pritet që të njëjtën apelim do të bëhet edhe nga avokatët e ish kryeministrit Berisha në hetim për akuzën e korrupsionit pasiv për aferën e privatizimit të ish kompleksit Partizani në Tiranë.