Fatbardh Kadilli analizon zhvillimet në PD, raportin e lidershipit me demokratët dhe qytetarët, mungesën e reflektimit dhe paralajmëron një të ardhme të zymtë për PD-në: Rugova ndërroi jetë pa e parë fundin e partisë së tij, ndërsa Berisha do ta vrasë partinë para se të largohet nga kjo botë.

Berishizëm dhe përbetim për besnikëri deri në fund, është gjithçka prodhoi procesi fals i “ripërtëritjes” së PD-së, i lajmëruar pak javë më parë nga lideri demokrat. Kështu beson Fatbardh Kadilli, ish-drejtues në strukturat e larta të Partisë Demokratike, kandidat për kryetar të saj.

Kadilli analizon raportin e lidershipit të PD-së me demokratët dhe qytetarët në përgjithësi, duke e konsideruar “reflektimin” ndaj protestës qytetare si një proces burokratik që përfundoi thjesht me ndryshim. Kadilli nuk e konsideron si proces politik, prej të cilit nuk pritet të vijë asnjë ndryshim domethënës.

“PD nuk ka asnjë reflektim dhe nuk e ndjen krizën. Iu duket se ajo që ndodh në bulevard nuk ka të bëjë fare me ta dhe asgjë që ndodh jashtë tyre e shohin se s’ka lidhje me ta. Ata mbajnë gardhin e mbyllur me frikën se mos iu hyn dikush që iu prish vijën… Ose populli, ose kundërshtari, ose ndërkombëtarët e kanë gabim, por ata nuk e shohin kurrë gabimin tek vetja”, thekson Kadilli, duke krahasuar anën tjetër, kryeministrin Rama, që gjithsesi artikulon reflektim dhe pranon problemin që ai ka me qytetarët.

Kadilli thotë se Rama reflekton gjithsesi kur pranon publikisht se ka një distancë ndërmjet nesh dhe bulevardit protestues.

“Por çfarë reflektimi ka në anën tjetër, tek opozita? Si ka mundësi që nuk reflektojnë kur dëgjojnë në shesh ‘Rama në burg, Berisha në burg’? Nuk është logjike që një shesh të kërkojë burgosjen e opozitës… por ja që po ndodh… por është thirrje politike dhe opozita nuk po reflekton mbi këtë situatë. Në PD nuk ka ngjarje politike, është rrudhur tek ajo që quhet berishizëm, një kulturë bolshevike”, thotë Kadilli.

Në një krahasim domethënës me historinë e LDK-së në Kosovë, Kadilli thotë se: “Rugova vdiq dhe nuk e pa fundin e partisë së tij, ndërsa Berisha do ta vrasë partinë para se të largohet”./ Tema

R.Xh/Shqiptarja.com
Sa e vlerësoni këtë artikull?
★ ★ ★ ★ ★
5.0 / 5 (1 vlerësim)
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 15 Gusht, 13:45

    Cili është shkaku i konflikteve në Shqipëri?

Lajme të tjera