"Kërkesa të drejta" është titulli i një artikulli të revistës gjermane "Der Spiegel", ku bashkangjitet edhe deklarata e një anëtari të Gjykatës së Lartë të vendit në favor të pretendimit nga ana e Greqisë të reparacioneve të Luftës së Dytë Botërore dhe kredisë së detyruar.
"Mjaft elementë konsistojnë se është një kredi", deklaron gjykatësi Dieter Daizerot, i cili e cilëson si të arsyeshme kërkesën greke për shlyerjen.
Gjykatësi shton se do të mund të përmbushej kërkesa për dëmshpërblimin e viktimave të veçanta, ndërsa thekson se nuk mund të ketë parashkrim të kërkesave, për shkak të Konventës 2+4, që përbën një shembull klasik kontrate në dëm të një pale të tretë.
"Greqia nuk hoqi dorë nga kërkesat e veta", shpjegon Daizerot, pasi nuk u shpreh me shkrim dhe se "nuk ka dorëheqje përmes heshtjes".
Ai propozon vajtjen në Gjykatën Ndërkombëtare të Hagës, gjë për të cilën nevojitet miratimi nga Berlini, përndryshe, në Gjykatën e Kompromisit dhe Arbitrazhit të OSBE-së./ atsh /