‘Berlini të do’, pikniku unik në kryeqytetin gjerman bën bashkë 3000 qytetarë

‘Berlini të do” ky mesazh është një mbishkrim i gjatë 800 metra i formuar nga më shumë se 1000 tavolina, në të cilën darkuan më shumë se 3000 berlinezë, në pistën e ish-aeroportit Tegel, festuan  “Darkën e Lirisë”.

Ushqimi dhe pijet u siguruan nga vetë pjesëmarrësit, por sipas organizatorëve, ofrohej edhe katering falas.

Artistë të ndryshëm siguruan një program shumëngjyrësh kulturor dhe muzikor.

Pjesëmarrësit shijuan plotësisht mbrëmjen, por edhe në këtë event ata ishin të pajisur me një certifikatë imunizimit.

Kryebashkiaku i Berlin Michael Mueller u shpreh se dëshironte ta përdorte eventin  për të dërguar sinjalin se “Berlini është kthyer!” pas shumë muajsh të kufizuar nga pandemia.

“Dhe sot ne duam të festojmë që kemi kaluar një kohë të vështirë së bashku, ne mund të marrim frymë thellë, mund të fillojmë përsëri, gjërat po ecin pas asaj kohe të vështirë të koronavirusit,” tha ai dhe vuri në dukje planet e ripërdorimit të aeroporti i vjetër.

Përmes kësaj darke Berlini falënderon qytetarët e tij që i rezistuan kohërave të vështira, por i dërgon një mesazh të fortë botës se kryeqyteti gjerman është rihapur për të gjithë sektorët e ekonomisë.

Në të njëjtën kohë, berlinezët i thonë lamtumirë Aeroportit Tegel , i cili për shumë vite ishte një portë hyrëse në botë dhe tani do të bëhet  qënder inovatore "Urban Tech Republic" .

TAG:
• gjermani
• Berlin
• Koronavirus