Betaja e rradhës e Kosovës në Interpol, Serbia përpjekjet e fundit kundër anëtarësimit

Kur na ndajnë pak javë nga Asambleja e Përgjithshme e INTERPOL-it, që do të mbahet në Dubai të Emirateve të Bashkuara Arabe, ku pritet marrja e vendimit për Kosovën, nëse ajo do të arrijë të anëtarësohet në këtë mekanizën të rëndësishëm ndërkombëtar policor, Beogradi duket se po bën përpjekjet e fundit për ta bllokuar këtë.

Kosova ka aplikuar për vendin  anëtar të kësaj organizate,  deri tani asnjë siguri nuk është ofruar që vendimi për anëtarësimin e saj në këtë organizatë të jetë këtë herë pozitiv.

Deputeti i Aleancës për Ardhmërinë e Kosovës (AAK) dhe njëkohësisht Anëtari i komisionit për Siguri,në Kosovë  Daut Haradinaj, ka deklaruar së fundmi se ende mbetet shumë punë për t’u bërë në këtë drejtim .

Ndërkohë, Haxhi Shala, kryetar i Komisionit Parlamentar për Mbikëqyrjen e FSK-së, në Kosovë ka thënë  së fundmi se Serbia po përpiqet të bllokojë me çdo mënyrë këtë proces dhe se ekziston rreziku që ajo të bëhet një pengesë në këtë çështje.

Lidhur me këtë çështje, më herët shefi i INTERPOLI-it serb Milan Dimitrijevic, e konsideroi përpjekjen e re që Kosova po bën për anëtarësimin e saj në këtë organizatë, një shkelje e rregullave ligjore që kërkohen për anëtarësimin dhe nje rrezik për interesat e qytetarëve serbë.

Ndërkohë,sipas "Zëri-t" Ministria e Punëve të Jashtme në Kosove në një reagim të saj i konsideroi të gabuara përpjekjet e Serbisë për të penguar Kosovën në këtë hap të saj.

“Anëtarësimi në Interpol është vetëm çështje e sigurisë, luftës kundër terrorizmit dhe krimit të organizuar ndërkombëtar. Bota është e angazhuar sot në luftimin e këtyre dukurive negative dhe anëtarësimi i Kosovës aty, i kontribuon vetëm paqes dhe sigurisë”, thuhet në një deklarate të MPJ të Kosovës.  

TAG:
• kosove
• serbi
• interpol