TIRANE- Dy anëtarët e KLD-së kanë një strategji konkrete për tu përballur me mazhorancën në hetimin parlamentar si edhe me kërkesën për shkarkimin e tyre. Duke qenë se Çefa dhe Lelçaj e kanë konsideruar të gjithë procesin si antikushtetues, vendimi përfundimtar që do të merret nga parlamentit pritet që të shkojë në Gjykatë Kushtetuese ku procedura do të zgjatet edhe për disa kohë të tjera.

Krahas kësaj, Çefa dhe Lelçaj gëzojnë edhe një mbështetje të madhe edhe nga Presidenti i Republikës, Bujar Nishani i cili është njëkohësisht edhe kryetari i Këshillit të Lartë të Drejtësisë.