SHBA - Ambasadori i ri i Shteteve të Bashkuara në Shqipëri, Donald Lu, i cili do të zëvëndësojë Ambasadorin Alexandër Aleksandër Arvizu, u betua gjatë një ceremonie zyrtare në Departamentin e Shtetit të SHBA.

Lajmi konfirmohet nga vetë ambasada e SHBA-së në Tiranë.  Gjatë fjalës së tij, Ambasadori Lu tha se, “Shqipëria është një aleate e afërt dhe një mike e Shteteve të Bashkuara. Unë do të punoj çdo ditë në mënyrë që të sigurohem që kjo aleancë dhe miqësi të arrijë pritshmëritë ambicioze që amerikanët dhe shqiptarët ndajnë me njëri-tjetrin.

“Ne jemi dhe gjithnjë do të mbetemi dy popuj pafundësisht të përkushtuar ndaj demokracisë, lirisë së qytetarëve, dhe sundimit të ligjit”, tha Ambasadori Lu.
 
Marrë nga REL
Redaksia Online
(d.a/Shqiptarja.com)