Bibliotekat bashkiake
Basha: Gati projektet

TIRANË - Kryetari i Bashkisë së Tiranës Lulzim Basha, i rikthehet premtimit të 8 Majit për çeljen e bibliotekave bashkiake universitare. Gjatë një ceremonie në një universitet privat në Tiranë, Basha ka pohuar se po mbyllet faza e përgatitjes së një hapësire fizike, por edhe mekanizmat bashkërendues, për të ndihmuar qarkullimin e lirë të librit mes universiteteve të Tiranës.

“Bashkia nuk mund të anashkalojë, as të mbyllë sytë apo të tregohet indiferente ndaj energjisë së jashtëzakonshme që përfaqëson bota universitare në Tiranë. Një Tiranë që së shpejti do të ketë 100 mijë studentë është një pasuri e madhe, të cilën as Bashkia, as Kryetari i Bashkisë nuk mund ta lënë jashtë llogarive, kur bëhet fjalë për zhvillimin e qytetit, kur bëhet fjalë për iniciativa të reja”, tha Basha.