Epokë e re në SHBA pas Trump, betohen Joe Biden dhe Kamala Harris! Presidenti: Demokracia ka triumfuar, por kemi shumë për të 'shëruar'! Firmos dekrete 'të guximshme' (VIDEO)

Presidenti Joe Biden ka nënshkruar rrëzimin e disa dekreteve kryesore të Donald Trump në lidhje me emigracionin, ndryshimet e klimaterike dhe trajtimin e pandemisë.

Presidenti Joe Biden nënshkroi tre urdhra ekzekutivë që nënkuptonin edhe shenja të hershme të përparësive të tij dhe fillimin e një përpjekjeje për të fndryshuar axhendën e paraardhësit të tij. "Kjo do të jetë e para nga shumë angazhime që do të kemi këtu," u tha Biden gazetarëve, duke u shfaqur për herë të parë në Zyrën Ovale.

"Mendova se nuk ka kohë për të humbur. Duhet të fillojmë menjëherë nga punë". Biden nënshkroi një urdhër që kërkon mbajtjen e maskave ​​në pronën federale, njëra synonte të siguronte barazinë racore dhe një tjetër për bashkimin me marrëveshjen e klimës në Paris.

Biden tha se dekretet e sotme do të jenë të parët nga shumë gjatë ditëve të tij të para në detyrë.

"Siç e kemi treguar më herët, ne do të nënshkruajmë një numër urdhrash ekzekutivë gjatë ditëve të ardhshme të javës," tha ai. "Disa nga veprimet ekzekutive që do të nënshkruaj sot do të ndihmojnë në ndryshimin e rrjedhës së krizës së shkaktuar nga Covid dhe luftimin e ndryshimimeve klimaterike në mënyra që nuk i kemi bërë deri më tani," vazhdoi ai.

Ai i quajti ndryshimet si "pika fillestare" që përmbushin premtimet e tij gjatë fushatës.

"Unë mendoj se disa nga gjërat që ne do të bëjmë do të jenë të guximshme dhe jetësore dhe nuk ka kohë për të humbur" tha ai.

"Ka një rrugë të gjatë për të bërë. Këto janë vetëm veprime ekzekutive," vazhdoi ai. 

CNN njoftoi se Biden planifikon të ndërmarrë 17 veprime ekzekutive gjatë orëve të tij të para në detyrë, duke lëvizur më shpejt dhe më agresivisht për të ndryshuar trashëgiminë e paraardhësit të tij . 

Presidenti  Joe Biden deklaroi se Trump i la atij një letër më të vërtet miqësore, para se të largohej nga Shtëpia e Bardhë. 

Duke folur nga prapa nga Zyra Ovale Biden tha se ai nuk do të zbulonte përmbajtjen e letrës për respekt të ish-Presidentit Donald Trump.

"Presidenti shkroi një letër shumë bujare," tha Biden. "Për shkak se ishte private, unë nuk do të flas në lidhje me të derisa të flas me të."

Joe Biden është presidenti me moshën më të madhe në historinë e SHBA, por ka shumë aspekte të veçanta në lidhje me moshën e presidentit të ri. Një nga aspektet më të veçanta të historisë së tij, është pikërisht viti i lindjes 1942. Kjo e lejon Biden të pretendojë një tjetër arritje historike: Biden është i pari dhe ka të ngjarë të jetë i vetmi president i brezit të humbur. Megjithëse gjeneratat janë një shkencë e pasaktë, Biden është presidenti i parë që ka lindur midis viteve 1928 dhe 1945. Me fjalë të tjera, mjaft i moshuar për të lindur para fundit të Luftës së Dytë Botërore dhe mjaft i ri sa të mos ishte futur në ushtri para përfundimit të saj. Në të vërtetë, Biden është presidenti i parë që ka lindur para mbarimit të Luftës së Dytë Botërore në gati 30 vitet e fundit. Çdo president duke filluar me Bill Clinton është anëtar i brezit Baby Boomer. Çdo president nga John F. Kennedy te George H.W. Bush lindi midis 1901 dhe 1927. Biden pati sukses atje ku anëtarët e tjerë të Brezit të  humbur Michael Dukakis, Walter Mondale dhe John McCain kishin dështuar para tij.

Në fjalimin e parë të Joe Biden si president jo pak vëmendje ka tërhequr ish- presidenti Bill Clinton. Clinton mezi i ka mbajtur sytë hapur ë ceremoni, moment ky i filmuar edhe nga kamerat.

Në sallën e Kongresit amerikan presidenti i sapo zgjedhur Joe Biden nënshkroi tre dokumente, si aktet e para zyrtare të presidencës së tij.

Presidenti Biden nënshkroi Deklaratën e Ditës së Inaugurimit dhe dokumentet për emërimet në pozicionet e drejtuesve në kabinetin qeveritar.

Me nënshkrimet e para dhe ato që do të pasojnë ditën e sotme, bën që Biden t’i shtohet listës së presidentëve që nënshkruan urdhra ekzekutivë në ditën e tyre të parë në detyrë dhe secili nënshkroi vetëm një. Megjithatë situata me të cilën përballet vendi, gjendja e keqe e pandemisë bën të domosdoshme të ndërhyjë.  Ndihmësit thanë se Presidenti Biden do të ndërmarrë dhjetëra veprime të tjera ekzekutive në 10 ditët e ardhshme, ndërsa ai kërkon të ndryshojë drejtimin e vendit pa pritur miratimin e Kongresit.

Pothuajse menjëherë pas betimit në Kapitol, ndihmësit thanë se Presidenti Biden do t'i jepte fund ndalimit të udhëtimit nga disa vende me shumicë myslimane, do të ndalonte ndërtimin e murit përgjatë kufirit SHBA-Meksikë dhe do të rifuste vendin në Marrëveshjen e Klimës së Parisit dhe Organizatën Botërore të Shëndetësisë.

Me anë të një mesazhi në Twitter presidenti amerikan Joe Biden ka theksuar se tani fillon puna e vërtetë . Biden do të shkojë sot në zyrën ovale që të nënshkruajë edhe dekretet e tij të para, duke anuluar disa nga politikat kryesore amerikane.

 “Nuk ka kohë për të humbur kur bëhet fjalë për të trajtuar krizat me të cilat përballemi. Kjo është arsyeja pse sot, unë jam duke shkuar në Zyrën Ovale për të marrë të drejtën në punë duke dhënë veprim të guximshëm dhe lehtësim të menjëhershëm për familjet amerikane” tha Biden.

Now the real work begins, folks. Follow along at @POTUS as we build back better. pic.twitter.com/fHViqSqwp2

— Joe Biden (@JoeBiden) January 20, 2021

Në kohën kur në Varrezat Kombëtare të Arlingtonit, ku prehen mijëra heronj amerikan, Presidenti Joe Biden dhe Kamala Harris shprehnin nderimet për ta, një ushtar amerikan ka bërë një gjest tejet prekës për presidentin e ri.

Ai është gjunjëzuar pranë varrit të të birit të presidentit, më të madhit nga dy djemtë e tij , Beau Biden, i cili shërbeu një turne një vjeçar në Irak në 2008 si kapiten në Gardën Kombëtare të Delaware.

Ai vazhdoi karrierën më tej si Prokurori i Përgjithshëm i Delaware dhe u pa si një yll në rritje në politikën amerikane para vdekjes së tij nga kanceri i trurit në moshën 46 vjeçare në 2015. Si fëmijë, Beau i mbijetoi një aksidenti me makinë gjatë të cilit humbën jetën nëna e tij Neilia dhe motra e tij e vogël Naomi në 1972. Kur Biden u bashkua për herë të parë në Senat në 1973, ai bëri betimin e tij për zyrën pranë shtratit të spitalit të djalit të tij. Para kamerave, Biden u tha djemve se do të hiqte dorë nëse nuk do të kishte ndonjë "konflikt midis të qenit një baba i mirë dhe një senator i mirë". "Ne gjithmonë mund të kemi një senator tjetër, por ata nuk mund të kenë  një baba tjetër."

Poignant moment: While Joe Biden gave his inauguration speech, a lone man in a uniform knelt at the Delaware grave of his son Beau. pic.twitter.com/QkCuJRHzTz

— Patricia Talorico (@PattyTalorico) January 20, 2021

Joe Biden hyn në Shtëpinë e Bardhë si president i ri i SHBA-së. Ndryshe nga sa kisjhte ndodhur në historinë e SHBA-së, presidenti i ri në detyrë nuk është pritur nga ai që në largim, kjo pasi Trump zgjodhi që të mos ishte në këtë ceremoni. 

Pavarësisht deklaratave të shumta dhe spekulimeve se nuk do të lërë letër për Presidentin e zgjedhur, Trump ka lënë një letër për pasuesin e tij, megjithëse përmbajtja e saj nuk është ende e njohur. Ish Presidenti Donald Trump theu traditën dhe u largua nga Shtëpia e Bardhë para ceremonisë së inaugurimit për pasardhësin e tij, Joe Biden.

Megjithatë edhe ditën e tij të fundit si president i SHBA, ai është bërë shkak i memeve të shumta në internet.

Kreu i Kishës Katolike Romake, Papa Françesku, porositi presidentin e SHBA-së Joe Biden se i është lutur Zotit që të drejtojë përpjekjet e tij për pajtim si në Shtetet e Bashkuara ashtu edhe në botë.

Një raport i Reuters thotë se Papa Françesku i dërgoi një mesazh presidentit të 46-të të SHBA-së menjëherë pasi ai u betua dhe shprehu shpresën se Biden do të punojë për të krijuar një shoqëri me drejtësi të vërtetë, liri dhe respekt për të drejtat dhe dinjitetin e çdo individi, veçanërisht të varfërve dhe ata të cilët nuk kanë të drejtë vote.

Hillary Clinton, ish sekretarja e shtetit dhe e nominuara për presidente e Demokratëve në 2016, tha se Joe Biden është krijuar për këtë moment.

 "Unë mendoj se momenti dhe personi janë krijuar për njëri-tjetrin," tha Clinton. Klinton tha se ishte "e lehtësuar dhe mirënjohëse" që ishte në gjendje të merrte pjesë në inaugurim.

"Unë isha aq i lehtësuar dhe mirënjohës që ishim në gjendje të festonim transferimin e pushtetit në një mënyrë paqësore, e cila ka qenë një shenjë dalluese e vendit tonë. Kjo nënkuptonte një arritje të madhe për kaq shumë amerikanë që të shihnin ceremoninë e zhvilluar në platformën ku vetëm disa javë më parë persona të dhunshëm dhe terroristë ishin përpjekur të ndalonin demokracinë, kështu që më preku vërtet zemrën."

Duke folur më tej rreth arsyes pse Biden është udhëheqësi i duhur për momentin, Clinton tha "ai sjell një ndjenjë të thellë ndjeshmërie, të marrë nga nga përvojat e tij personale. Por është pjesë e karakterit të tij që të dëgjojë njerëzit, njerëzit, të përpiqet t'i ngrejë ata lart. Dhe unë mendoj se vendi ynë tani ka nevojë për një udhëheqës të kujdesshëm, të dhembshur, empatik. Dhe Joe Biden është e gjitha kjo ”.

Kur Kamala Harris u bë një zëvëndëspresidentja historike Clinton tha se ishte "e entuziazmuar".

“Por unë gjithashtu isha i kënaqur sepse ajo është mikja ime. Jam i bindur që ajo do të jetë një partner i jashtëzakonshëm me Joe Biden dhe e di se ajo do të vërë të gjithë përvojën dhe ekspertizën për të punuar në emër të popullit amerikan. Nuk mendoj se mund të kërkojmë diçka më shumë ”, tha ajo.

Presidentët e kaluar dhe ai i tanishëm morën pjesë në një moment heshtjeje dhe një vendosje ceremoniale të kurorës në Varrin e Ushtarit të Panjohur. Presidenti i zgjedhur Joe Biden dhe zëdhënësja e tij Kamala Harris, pas betimit të te në Capitoll Hill i janë drejtuar varrezave në Arlington, aty ku është zhvilluar edhe një ceremoni. Në varrezat aty gjenden trupat e të gjithë të rënëve për vendin që nga Lufta civile.  Ajo gjithashtu është edhe vendi ku prehen në paqe dy ish- presidentët - John F Kennedy dhe William H Taft. Të pranishëm ishin ish Presidentët Bill Clinton, George W Bush dhe Barack Obama dhe ish zonjat e para.  Varri i Ushtarit të Panjohur,  është një nga pjesët më të vizituara të varrezave dhe pikërisht aty Biden dhe zonja e Parë nderuan të rënët. Një minutë heshtje dhe

Të varrosur atje janë eshtrat e ushtarëve nga Lufta e Parë Botërore, Lufta e Dytë Botërore, Lufta Koreve dhe Lufta e Vietnamit.

Drejtuesit e Kongresit amerikan i dhanë dhurata Presidentit Biden dhe zëvendëspresidentes Kamala Harris pas betimit të tyre. Kjo është një traditë që ndiqet prej kohësh.

Senatori Roy Blunt i dhuroi Biden një pikturë nga një piktor afrikano-amerikan nga Lufta Civile, Robert S. Duncanson, "Peisazhi nga Rainbow". 

Senatori Amy Klobuchar i dhuroi Biden dhe Harris vazo kristali Lenox. Kryetari i Dhomës Nancy Pelosi dhe Senatori Republikan Mitch McConnell dhe i dhanë Presidentit dhe zëvendëspresidentes flamuj Amerikanë.

Përpara se Donald Trump të largohej nga detyra, ai nënshkroi një memorandum që shtrin mbrojtjen e Shërbimit Sekret të SHBA me gjashtë muaj për të gjithë fëmijët e tij.

Sipas mediave të huaja, mbrojtja vlen për fëmijët deri në moshën 16 vjeç, por duke nënshkruar memorandumin, Shërbimi Sekret i SHBA do të jetë në gjendje të sigurojë mbrojtje për të gjithë fëmijët e tij. 

Një ceremoni e cila kishte shumë pak persona dhe ra në sy mbi çdo gjë veshja lejla që kishin zgjedhur disa nga gratë më të rëndësishme në SHBA.  Zëvendës presidentja Kamala Harris, ish zonja e parë Michelle Obama,  ish zonja e Parë dhe ish- sekretarja e  shtetit Hillary Clinton, pothuajse i të gjitha grave të pranishme. Kjo ngjyrë është zgjedhur për shkak të simbolit që kjo ngjyrë mban, unitetin mes dy partive.  Ngjyra tradicionalisht shihet në SHBA si një simbol i dy partive - një kombinim i blusë dhe të kuqes së partive Demokratike dhe Republikane. Jehona e gjestit bën thirrje për bashkëpunim rreth inaugurimit dhe temës së ceremonisë, e cila në vetvete është "America United".

Joe Biden ka mbajtur fjalimin e tij të parë si president i SHBA-së, ku është ndalur te dhuna në Capitol Hill si edhe përballja me Trump.

“Të tregojmë respekt për njëri tjetrin, çdo mosmarrëveshje nuk duhet të jetë shkak për një luftë, për një ndarje më të thellë. Të dashur amerikan ne duhet të jemi ndryshe më mirë se kaq. Skenat që pamë më 6 janar. Të jepnin imazhin e një luftë civile, shiko tani se ku qëndrojmë në sheshin ku Martin Luter King bëri fjalimin e tij “unë kam një ëndërr” dhe ne sot festojmë zgjedhjen e Kamala Harris si zv. Presidentja e parë grua në historinë e këtij vendi. Ne qëndrojmë në këtë shesh ku disa persona të dhunshëm menduan se mund ta cenojnë këtë vend, por kjo gjë nuk do të ndodh as sot, as nesër, kurrë. Për të gjithë ju që mbështetët fushatën time, jam i përulur para jush. Por edhe për ju që mbështetur kundërshtarin tim, jeni në zemrën time. Kjo garë tregoi se kjo është demokracia, unë do ju premtoj që unë do të jem president për të gjithë amerikanët, për ata që votuan dhe nuk votuan për mua”, tha mes të tjera Biden.

Joe Biden ka mbajtur fjalën e parë si Presidenti i 46-të i Shteteve të Bashkuara të Amerikës. Menjëherë pas betimit Biden tha se kjo ditë që tregon se demokracia amerikane ka triumfuar.

"Kjo është dita e demokracisë, e shpresës. Kjo është një ditë vendimtare për të gjithë amerikanët. Sot nuk festojmë triumfin e një kandidati por triumfin e vullnetit të njerëzve. Demokracia ka triumfuar.

Para pak ditësh dhuna kërcënoi Kapitolin kur ne donim të kishim atë transferimin paqësor të pushtetit siç ka ndodhur në shekuj. Por dita e sotme është triumfi i forcës sonë si komb. Kemi shumë për të shëruar", tha Biden.

Betohet Joe Biden! Zyrtarisht president i SHBA-së. 

“Betohem solemnisht se do ta përmbush me besnikëri detyrën time si president i Shteteve të Bashkuara dhe se do ta ruaj dhe mbroj më së miri Kushtetutën e Shteteve të Bashkuara”, tha Biden. 

Merr zyrtarisht detyrës si zv. Presidente e SHBA-së. Betohet Kamala Harris, duke hyrë kështu në histori si e para grua zv. presidente dhe e para grua e zezë në këtë postë. Ajo u betua para gjyqtares së  Gjykatës së Lartë Sonia Sotomayor. Ajo bëhët kështu gruaja e parë në historinë e Shteteve të Bashkuara që merr këtë detyrë kaq të rëndësishme. 

Joe Biden do të betohet si presidenti i 46-të, pritet që ai të ketë dorën e tij atje ku ka qenë çdo herë që ka bërë një betim zyre më parë - në Biblën e familjes Biden.

Bibla është në familjen Biden që nga viti 1893. Biden përdori Biblën çdo herë që dha betimin në secilën prej shtatë betimeve të tij në Senat, duke filluar në 1973. Bibla u përdor gjatë betimit të tij si Zëvendës President në 2009 dhe 2013.

Këngëtarja amerikane Lady Gaga është përzgjedhur që të këndojë himnin kombëtar në ceremoninë e inaugurimit të Joe Biden si presidenti. Më pas Gaga së bashku me Jennifer Lopez do të dhurojnë spektakël.

Me pak njerëz të pranishëm ka nisur ceremonia e Inagurimit të presidentit të 46 të SHBA Joe Biden dhe zëvëndës presidentes Kamal Harris. Me shumë pak të pranishëm por me një shkallë të lartë të pozitivitetit dhe shpresave për të arrdhmen, senatorët i janë drejtuar liderëve të ardhshëm të vendit. 

Senatorja dhe ish-rivalja e Biden në garat primare në partinë demokratike, u shpreh se është kënaqësia e saj është të ketë organizuar këtë event. Duke theksuar edhe njëherë se vendi, kaloi prova të vështira por njëjtë siç ndodhi në kohën e Abraham Linkolm ai tejkaloi çdo gjë. Kloubochar vlerësoi edhe njëherë që për të parën herë në historinë amerikane vendi do të ketë zëvëndësen e parë grua, e komunitetit indiano- amerikan. 

Joe Biden i shoqëruar nga bashkëshortja e tij, Jill kanë mbërritur në Capitol Hill për ceremoninë e inaugurimit. Krah tij është shfaqur edhe zëvendës presidentja, Kamala Harris me bashkëshortin. Ajo që vihet re është se të katërt janë të pajisur me maska.

Alarm për bombë në Gjykatën Supreme Amerikane dhe kërcënimi erdhi në prag të inagurimit të Joe Biden. Lajmi erdhi në një kohë që shefi i Drejtësisë John Roberts përgatitet të betohet në Presidentin e zgjedhur Joe Biden si komandantin e përgjithshëm të ardhshëm të kombit, CNN konfirmoi kërcënimin për bombë me. Kërcënimi u raportua rreth orës 9:30 të mëngjesit.  Pasi një nga reporterët fillimisht deklaroi se ndërtesa po evakuohej, zyrtari i informacionit publik i gjykatës së lartë tha se ata nuk u kërkuan njerëzve të largoheshin. Situata është vënë nën kontroll lajmërojnë autoritet vendase.

Barack Obama, ka uruar përmes një postimi në rrjetin e tij social Twitter, Joe Biden si president të zgjedhur të SHBA-së, pak para inaugurimi të tij.  

Obama përmes një foto-je, ku të dy duken të përqafuar ka shkruar “Urime miku im, presidenti Joe Biden. Kjo është kohë jote!”

Ish-presidenti Barack Obama, ishte i 44-të në radhën e presidentëve të Amerikës dhe ka qëndruar në detyrë për 8 vite, duke sjellë ndryshime të rëndësishme socio-ekonomike për vendin.

Congratulations to my friend, President @JoeBiden! This is your time. pic.twitter.com/LXzxGnBAfz

— Barack Obama (@BarackObama) January 20, 2021

Donald Trump mbylli sot Presidencën e SHBA-ve dhe në fjalimin e tij të fundit në Joint Base Andrews tha se gjatë kësaj kohe vendi ka shënuar zhvillime të mëdha dhe se për çdo gjë të mirë që do vij pas falë reformave që ka bërë qeveria e tij duhet të kujtojnë atë.

"Dua të falenderoj të gjithë njerëzit për punën e madhe që kanë bërë dhe zonjën e parë për punë që ka bërë që kjo familje të funksionojë siç duhet. Ishte diçka shumë e veçantë ne kemi arritur shumë gjëra bashkë dhe çdo gjë e kemi bërë me dinjitet. Ne krijuam një forcë të re, një forcën hapësinore që është e mrekullueshme. Kemi ndryshuar sistemin e taksave dhe kemi krijuar reformën e taksave më të mirën në historinë e vendit. Po të shiko i statistikat do të kuptoni se sa vende të reja pune kemi krijuar. Do të ndodhin gjëra të mrekullueshme dhe na kujtoni neve kur këto të ndodhin. Kemi punuar shumë, ne hodhën çdo gjë në fushën e lojës, kemi kaluara shumë vështirësi dhe kemi pasur një pjesëmarrje të jashtëzakonshme votuesish në historinë e vendit.

Unë do të luftojë gjithmonë për ju, dhe do shpresoj të shihemi së shpejti. Dua të falenderojë zv.presidentin Mike Pence dhe të gjithë kongresmenët me të cilët kam bashkëpunuar", tha Trump.

Zonja e parë Melania Trump foli në ceremoninë e lamtumirës së Presidentit Trump në Joint Base Andreës para se të niseshin për në Florida.

"Të qenit zonja juaj e parë ishte nderi im më i madh. Faleminderit për dashurinë dhe mbështetjen tuaj. Ju do të jeni në mendimet dhe lutjet e mia. Zoti ju bekoftë të gjithëve. Zoti i bekoftë familjet tuaja. Dhe Zoti e bekoftë këtë komb të bukur. Faleminderit," ajo tha.

Presidenti amerikan Donald Trump është larguar sot nga Shtëpia e Bardhë, duke i dhënë fund një epoke trazirash dhe ndryshimesh.

Ai ka përshëndetur për herë të fundit nga helikopteri 'Air Force One' dhe është nisur në drejtim të Florida.  

Presidentja e Komisionit Evropian, Ursula von der Leyen përmes një postimi në rrjetin e saj social Twitter ka shkruar në lidhje me inaugurimin e presidentit të ri të SHBA-së, Joe Biden dhe rilidhjes mes Evropës dhe SHBA-së.

“SHBA-ja është kthyer! Evropa qëndron e gatshme për tu rilidhur me një partner të vjetër dhe të besuar, t’i japim jetë aleancës sonë të dashur.”, shkruan ajo në postimin e saj,

The United States is back. And Europe stands ready.

To reconnect with an old and trusted partner,
to breathe new life into our cherished alliance.

I look forward to working together with @JoeBiden pic.twitter.com/gc7HIIg2Z8

— Ursula von der Leyen (@vonderleyen) January 20, 2021